家庭教育|禮讓腳傷者落車 爸爸鬧孩子無跟實被攝位 乘客幫手平反:小朋友有禮貌,你唔好咁話佢
2022-08-08
一名網民在社交平台出post,指搭巴士落車時,遇上一位有禮小朋友,該名小朋友禮讓他先下車,卻被爸爸誤會行得慢讓別人攝位,繼而責備孩子,網民見狀上前解釋,但爸爸沒有理會,更直言「我點教小朋友係我家事,唔到你理。」
日前一名網民在Facebook社團「大埔 TAI PO」代好友出post,事主在大埔廣福道睇完跌打,直接坐75X巴士到富善,由於下層無位,便到上層坐在最前的位置。到站下車時,事主知自己行得慢,就想讓其他人先下車,自己再慢慢行落去。
孩子禮讓事主下車 卻被爸爸責罵
事主見上層落下層條隊還剩兩三位人,便起身慢慢向樓梯口移動,隊尾的最後是一位小朋友,見到事主遞出兩手讓他落去先,事主心想「呢個小朋友,識得禮讓,好乖好有禮」。沒想到行在前面的孩子爸爸看不到孩子跟在後面,就開始鬧孩子,「開始喺度鬧,然後我(事主)終於都落完樓梯出到車門,佢又繼續鬧,又話唔跟住又話個小朋友自己走咗去,又話俾人(事主)攝位點點。」
事主為孩子出聲 爸爸懶理事實照鬧
事主看不過眼出聲「先生,我冇攝位,而係小朋友有禮貌,讓我行先,你唔好咁話佢。」事主指小朋友被鬧到好驚,不敢出聲,結果爸爸反駁「我點教小朋友係我家事,唔到你理。」
事主表示自己不想理他的家事,只是孩子做得很好,請爸爸不要這樣說他。爸爸沒有理會,更指「你都唔好咁嘅態度同我講嘢,佢之前成日都係咁,唔跟住乜乜…」,事主為免再吵下去,說了句「你唔好咁話佢啦。」就與他們分道揚鑣,但那名爸爸仍邊行邊話孩子。
千字文感謝孩子的善良
事主指自己寫這篇千字文不是想批評別人的家事,只是有感而發,自己是孩子禮讓的受惠者,眼見小朋友的爸爸沒有了解事情經過就責備他,認為孩子十分無辜,想借這post向孩子表達感謝:「我知道我好難揾番你,所以我想借這平台對你講一聲『多謝』,多謝你對我嘅禮讓,多謝你嘅善良。」
來源:大埔 TAI PO
其他文章: