選擇困難|公屋媽苦惱送學業平平女兒出國留學 抑或花近百萬買樓

2022-08-15


一名港媽在「親子王國」討論區發文,表示女兒讀書成績平平,而手持約百萬元現金,猶豫應該送女兒出國留學,抑或在港用作買樓首期。

媽媽解釋,一家人住實用面積約350呎的公屋,現年15歲的女兒學業成績一般, 性格內向,如果將來無法在香港升讀本地大學,擔心將來人生路好難行,其他家人又施壓。她現在手持接近100萬元現金,不知該如何是好,「究竟應該畀佢出國留學or買綠置居(約250萬)」。

發文者坦言,「其實我自己都偏向買樓多啲,香港地最緊要有瓦遮頭,雖然我年紀都唔細,但勉強仲有能力供綠置居,但其他人覺得我自私,勉強都仲可以供佢去外國讀書,點解唔為佢將來鋪好條路,佢哋全部都覺得無張沙紙就係死路一條」。她又解釋,「擔心將來如果個女做老姑婆起碼有瓦遮頭」,「計過如果樓價$250萬,借150萬分15年,每月供款大約一萬蚊左右,我年紀唔細㗎啦,盡量唔想拖咁長」。
 
網民認為要視乎女兒學習能力以及意願才決定是否送出國留學。《親親我好媽》示意截圖
網民認為要視乎女兒學習能力以及意願才決定是否送出國留學。《親親我好媽》示意截圖

有網民就建議,「要睇佢有無心想讀,或者有無target將來向邊個方向發展,如果佢無心機讀,就算畀佢去外國讀,未必一定有成績,或者再睇下其他學校」、「我向來覺得唔係讀書材料唔好勉強讀上去,要讀佢自己將來出黎做野再進修先會認真讀的。」、「有心讀香港都可以讀, 點解一定要出國?使一大筆錢, 如果本身讀書麻麻出國讀都改變唔到幾多。唔好諗住出過國留學好吃香」。

有人則認為,「大把例子岀國讀完返來都是量地。我係你一定買樓做首期。係有心讀既請佢係香港畀心機好好讀,上唔到大學依家多了好多途徑可駁返上去。而唔係用100萬去買個海外學位咁就叫有生路行」、「大把人喺外國讀完書返嚟都係搵緊萬零二萬蚊嘅工咋」。

發文者最後指,「我諗呢兩年寧願洗多啲錢迫佢補習,務求令佢成功入香港嘅大學,如果勉強去外國入啲三線大學,認受性我相信同副學士無分別,咁不如留返啲錢睇吓之後再做其他用途」。

帖文轉載自「親子王國」討論區

獲頭條日報授權轉載

其他文章:

生仔要考牌|港媽控訴老公追女湊「好」字 「份糧只係夠養一個」仍堅持

媽媽誕女兒後患妊娠毒血症亡 4個月大女兒代亡母上台領畢業證書

熱門文章

神經母細胞|Sheldon離世後媽媽首度開腔:等待在天國團聚那一天來臨
10-03
霎時再感動|森美揭數年前患色素瘤 驚不久人世 不捨孩子獨坐門前看女兒做功課
10-03
長沙灣昇悅居青年墮樓亡
10-03
生活平衡|工作量大致無法平衡生活 女幼師:我真係好想辭職
10-03
高雄7歲男童開學1星期遲遲沒上學 老師擔心報警揭發悲劇處境
10-02

老婦年老多病遭6子女嫌棄慘變人球 怒告長子棄養
2022-10-04
男童帶鑊鏟沙灘掘沙 用力過度皮肉竟攝入鐵縫要撬開救治
2022-10-04
工作量大致無法平衡生活 女幼師:我真係好想辭職
2022-10-04
港大研究指公眾對流產成因存誤解 易誤將責任歸因失胎父母
2022-10-04
羡慕20多歲能出國留學 網民呻:靠自己儲錢30幾歲再搵工實被壓價
2022-10-04
匡智松嶺二校|匡智會發聲明引述家長否認虐兒 對傳媒不實報道感痛心
2022-10-04
查看更多   ▸