馬鞍逼近丨湧入天文台fb集氣求「打得成」 網民：打到正呢次仲唔放假

熱帶風暴「馬鞍」將於周二晚進入本港800公里範圍，逐漸靠近廣東沿岸，天文台預測周四風勢會進一步增強，預料本港有狂風大驟雨及大浪。天文台預報顯示，周四香港的風力達7級，即達3號風球上限，或「坐3望8」。

不少打工仔聽到打風或掛8號風球都會十分開心，因為變相獲得一日「假期」，多名網民得知「馬鞍」襲港後，紛紛在天文台的社交平台留言，希望「馬鞍」可以「打得成」！

有網民指今次「馬鞍」似乎「打正香港」，未知「李氏力場」是否能夠抵擋得住，「打到正呢獲仲唔放假」、「太好，終於等到有風正面吹襲香港」、「最理想星期五掛半日，中午取消，win win」、「最好坐8望9」、「理得你幾號波有無雨，最緊要有假放」。不過，亦有人指今次的熱帶風暴名稱是「馬鞍」，笑言是「馬鞍登陸馬鞍山」。

頭條日報授權轉載

其他文章：

打風｜熱帶氣旋逐漸增強 料周四闖本港400公里範圍

樂富邨縱火案｜警改列誤殺案 被捕11歲男童准保侯查