鄰里關係｜驚狗港女要求養狗鄰居搭下部升降機 鄰居:驚狗咪住呢度 港女發文掀熱議
2022-08-26
^ (示意圖,圖片來源:Justin Veenema@unsplash/Arisa Chattasa@unsplash)
雖然話狗狗係人類最好嘅朋友，不過都會有人怕狗。近日一名女網友在網上出post，指自己因怕狗而要求狗主鄰居搭下部升降機，更講出「怕狗嘅人永遠都係被欺凌嘅對象」，引起網民熱議。
早排一名女網友在facebook社團「將軍澳主場」出post，指搭升降機落樓，到其他樓層時有一男一女一小孩準備入升降機，而事主因為怕狗，而對鄰居說「Sorry，我驚狗，請你搭下一部lift （升降機）」，女士則回應「你咁驚狗咪住呢度」。
其後升降機關閉，女事主表示自己如夢初醒，指自己是否要步出升降機，讓他們先落樓，自己則等下一架升降機，又反問「定係我錯我唔應該住慧X園？」，更直言「唉！個女人真係做咗個好榜樣俾個小朋友，而怕狗嘅人永遠都係被欺凌嘅對象！」
港女表示自己怕狗，要求鄰居搭下一部lift (示意圖,圖片來源:Justin Veenema@unsplash)
其他文章：鄰里關係｜樓下鄰居投訴孩子跑跳製造噪音 媽媽:怎樣叫3歲孩子不要跑?
帖文一出，隨即引來網民熱議，有人認為兩者都可以互相包容，小事化無，「其實怕狗無錯，大家互就囉，同一座大廈，但俾人話兩句，人哋又真係讓咗你，咁都要出post話俾人欺凌」、「我都係驚狗嘅！俾着我就會出lift，等下架好過，避免有任何不愉快事件！」
來源：將軍澳主場
