口腔健康｜張嘉兒大女照X光發現8隻蛀牙 張嘉兒：不敢想像嘅過分 內附牙醫講解

牙痛真係可大可小，張嘉兒最近在社交平台發布了數張大女兒Leona到牙醫診所檢查的相片，皆因Leona常指牙痛，睇牙醫照X光後，竟發現大女有8隻蛀牙，令張嘉兒心痛不已。

張嘉兒在個人社交平台出Post，表示「不敢想像嘅過分」，大女Leona６月向她表示牙痛，張嘉兒帶女兒睇牙醫，對方指看不到有蛀牙，建議照X光，但媽媽見女兒只是痛了一日，便誤以為是食完凍嘢，牙肉敏感。

^張嘉兒與兩個女兒Leora和Hannah

在９月時，Leona再度表示牙痛，竟發現有8隻蛀牙，令媽媽心痛不已，「好後悔６月嗰陣時冇照X-Ray，及早發現可能冇而家咁惡劣」。被嚇怕的張嘉兒亦馬上帶細女睇牙醫，幸好妹妹所有牙齒都很健康。

張嘉兒表示早晚都有幫女兒刷牙，又有使用牙線，估計女女會有嚴重的蛀牙問題，或與沒有用含氟化物的牙膏有關，建議「牙痛都係要照X光check真啲，定期要做牙齒保健，一定要選擇有Fluoride嘅牙膏」。