絕世好姐姐｜好學姐姐學推拿拔罐增值自己 港媽大讚：萬能姐姐連睇症都識
2022-09-23
好姐姐真是可遇不可求！有港媽在Facebook群組發文，分享家中印尼姐姐會安排好時間，去學推拿針灸增值自己，港媽笑稱姐姐是「萬能姐姐」。
這位港媽在facebook群組「表揚好姐姐開心分享區」發帖，指家中的印尼姐姐星期日放假不是去玩，而是去學推拿、針灸、拔罐等增值自己，大讚姐姐懂得人生規劃。
^事主表示姐姐上堂時會自己寫返印尼文做筆記
港媽分享姐姐已經學了７年，會幫事主疏通經絡，做拔罐，見事主腰酸骨痛又會幫她推拿。有網民笑指姐姐咁全能，他日返印尼可以開舖頭，港媽回應姐姐本身都會有這打算，本來是想學烘焙返印尼開舖，但考慮到開舖成本大，事主媽媽就建議姐姐學推拿，成本較低，有地方有牀就做到了，「就算做針灸或拔罐工具都係有限錢，皮費（成本）極低，跟住佢慢慢就愈學愈多嘢，依家好叻㗎啦！」
帖文下有不少網民都讚姐姐好學，同時亦恭喜港媽請到好姐姐，而媽媽回覆姐姐真的很好，「之前係照顧我婆，每日都去老人院幫我婆按摩，同推我婆去行街，真係自己女都無佢咁好心機」，而且鼓勵大家多欣賞姐姐「只要你懂得欣賞佢哋，你就會覺得自己個姐姐都好好」。
來源：表揚好姐姐開心分享區
其他文章：
