危險｜推BB車衝車門 險獨留BB在列車上 網民批評：用個BB嚟開路...
2022-09-28
「嘟嘟嘟嘟嘟，請勿靠近月台幕門」，相信大家對這句話不陌生，可謂是由細聽到大。近日有網民分享在將軍澳站月台見到一位媽媽推BB車衝門驚險的一幕，令網民大呼生仔真係要考牌。
有網民在Facebook社團「將軍澳主場」出post，指在將軍澳站月台見到驚險一幕，事主指當時有名後生女推住一架BB車在月台上等車，但由於那名女生顧住玩電話無上車，直到車門關門時突然推架BB車衝閘。
^事主指見到有女生推住BB車衝門(示意圖)
而當架BB車的前轆啱啱推過月台幕門時，已經開始關門，女生繼續推BB車衝門，BB車手推位過晒閘門嘅時候，度幕門已經差唔多關晒，「但個女仔仲喺月台，正常反應梗係揾手攝住度幕門，度門就會重開，但個女仔竟然發力推架BB車入車廂之後立刻縮手，咁架BB車就入咗車廂，而佢就戇居居企咗喺月台…..」。
幸好車上站得較近車門的乘客在最後關頭用手頂住，車門才重新開啟，令個女生能上車，「否則架BB車就跟咗架列車開走…..」，而事主後來亦補充有目擊人士證實架BB車係有BB。帖文一出，有不少網民都表示太危險了，不應該衝門，寧願等多兩三分鐘。
來源：將軍澳主場
其他文章：
