^幼教導師的工作亦並不容易。《反起跑線聯盟》劇照
幼兒教育一向是熱門科目，但幼教導師的工作亦並非容易。有現職的幼教導師近日在網上發文，並大呻「好多嘢都做唔完，完全唔可以平衡到生活」。
該名女幼教導師近日在Dcard討論區以「做幼教嘅我真係好想辭職呀！！！」為題發文，直言「真喺(係)好辛苦呀」。她指，「晚晚都去到6點幾、7點，翻屋企食完飯做下教案又要瞓教，好多嘢都做唔完，完全唔可以平衡到生活」。
不少幼教工作者亦有留言並表示身同感受，有任職幼教7年的網民指，打算完成本學年後辭職不續約，並直言「職業病又多，飲水都無時間，咩尿道炎念珠菌個啲成日有，所以為咗身體想辭職」。有網民則指，「我之前實習嗰間幼稚園…啲老師做到12點先走…朝早6點返工…高處未算高。」
亦有網民指，「讀完2年hd就無讀，都無做幼教。實習嗰陣就feel到太辛苦，完全無時間做自己嘢，仲要成日病，病到入院，依家轉咗做其他工」。另有今年入行的小學老師亦指，「已經想捱夠一個學期就走，真係覺得自己做耐咗會有心理問題，依加日日都勁崩潰，好唔想返工」。
帖文來源：Dcard討論區
頭條日報授權轉載