婆媳關係｜奶奶嫌人妻無仔生 「點解個仔會同你結婚」
2022-10-12
部分長輩見子女結婚，總會希望盡快有孫抱，但生育始終是夫婦二人的事，家人的「問候」、「提醒」對於當事人而言，往往成為煩擾及壓力。近日有人妻在網上討論區發帖，抱怨奶奶嫌棄她未能生小朋友，直言「你估生仔好似生暗瘡咁易咩？」
這名人妻在「香港討論區」發帖，表示「老公個姨媽新抱」第一胎是仔，最近更有第二胎，惹來奶奶羨慕對方「可以一索得男」。她指「自從奶奶見到人哋就嚟又有孫湊之後」，開始對自己施加壓力，例如批評兒子為何會與「生唔到仔」的自己結婚，又指「人哋就可以生到唔想生，你就想生都冇得生」。
奶奶又批評人妻「有錢唔買補品俾老公同自己食，有消費券又淨係用嚟買衫買化妝品」、「買少啲扮靚嘢聽佢話買補品食嘅話可能一早有咗啦！」面對奶奶指責，人妻表示「其實生唔生到唔係淨係關我事喎」，又指自己與丈夫只是結婚1年，又打算買樓，沒有多餘時間及金錢湊小朋友。
最後人妻無奈地表示「你估生仔好似生暗瘡咁易咩？勤力啲食多啲熱氣嘢就生得出…」
婆媳關係一向是世紀難題，網民指責奶奶的批評太過分，亦有留言建議當事人要多溝通：
事主回覆網民時表示，老公對她好，「有時都會話番我奶奶叫佢唔好再係咁同我講嘢」，又指奶奶「趁佢個仔唔喺度就蝦我鬧我」，最後她又明言自己其實都想生小朋友，但不是現在。
來源：香港討論區
更多文章：
