偷窺裙底｜報警拉遊樂場偷窺大叔惟證據不足 港媽呻：無人留低做證人
2022-11-03
近日有港媽在社交平台發帖，指曾於葵青區一大型商場的公共遊樂場內，發現一名大叔長期在遊樂設施底偷窺小朋友裙底，她曾報警但卻因證據不足，眼白白看見對方被放走。這名港媽心有不甘，提醒家長帶小朋友到公園玩「要睇實」，「記得同佢着番條褲先玩」。
這名港媽日前在Facebook群組「巴打絲打『13親子育兒』Facebook Club」發帖，指4個月前在「一個公共大型遊樂場」內，發現「一個阿叔長期企喺一個高位嘅遊樂設施底下偷窺小朋友裙底……當時我見到着公主裙又好，普通裙又好，裙褲又好，佢都裝」。
綜合事主帖文及她回覆網民的留言，當時有另一名家長共同目睹事件並召來商場保安，不過到場只是驅趕而非報警，直至事主大聲質問對方才有所安排。但是現場閉路電視拍攝不到，自己有拍片錄影卻不夠清晰，現場其他家長亦「無人留低做證人」，加上該大叔有律師協助，最終因證據不足而被放走。
事主慨嘆當時大叫未獲現場其他家長理會，「當日眼見超過四五十個家長，無人願意企出嚟幫手，好多直頭帶小朋友走，當時都有好多細路女，可能個個都有份俾嗰個變態阿叔睇，都可以視而不見，呢樣係我睇到最心淡」。最後她提醒，如果帶女童去遊樂場，「記得同佢着番條褲先玩」，年紀較小的女孩「要睇實」，較大一點要「提下佢」。
有網民建議事主公開遊樂場地點，讓大家有所防備，但她只表示「葵青區一大型商場入面」，直言「唔敢直講邊個大型遊樂設施，因爲同區已經無乜地方可以俾小朋友玩」。不過她指近日已不見該大叔的蹤影，估計對方已另覓新地方。
更多網民留言：
更多文章：
