獨家｜天瑜出院屬四日三夜「小度假」 現已返回醫院靜養
2022-11-08
7歲病童周天瑜於2018年不幸患上惡性腫瘤橫紋肌肉瘤，2020年5月手術期間發生醫療事故，慘變植物人，經治療後情況逐漸好轉。日前天瑜爸爸在社交網站上分享，表示事隔2年，終於可接天瑜出院回家。《Oh! 爸媽》聯絡到天瑜爸爸，他透露原來這次出院只屬四日三夜的「小度假」，天瑜在昨日（8日）已順利返回醫院，繼續接受觀察。
本網記者昨晚聯絡天瑜爸爸，了解最新的情況。爸爸表示是次的出院只有四日三夜，原因是醫生想讓家人先試一試照顧天瑜的感覺，下次將會爭取更長的出院時間。問到爸爸照顧天瑜有何感覺，爸爸直言實在是太累了：「真係好攰呀，太多嘢做，兩個人根本做唔到！」
他指在醫院有護士、病房助理、職業治療師、物理治療師、言語治療師照顧天瑜，但在家中就只有他和太太，二個人做五個人的工作：「你真係想像唔到有幾咁忙，屋企嘅設備又冇醫院咁好，地方又冇醫院大，又增加咗難度。更重要嘅係，我哋仲要照顧哥哥！」爸爸坦言，在未來，如果要長期接天瑜回家住，將會考慮請看護幫忙：「說實話，真的只有見步行步，目前還未獲批法援，HA（醫院管理局）又唔肯全面交待事件，我哋仲同佢磋商緊賠償額，仲未有共識。」
問到哥哥在看到小天瑜後有何反應，爸爸就指哥哥較為怕醜，感覺上有點生疏：「佢始終係個自閉症嘅小朋友，唔係太識表達自己嘅情緒，要俾啲時間佢。」
現時，爸爸與醫生正在商討天瑜下一次出院的時間：「大口環醫院啲病童都經常回家度假，我哋打算不時接天瑜回家小住。不過因為疫情，唔係咁容易，常常接出接入風險都大。」爸爸又感謝大家一直以來對天瑜的關注，希望事件早日得到一個合理交待。
《Oh! 爸媽》採訪報道
圖片由受訪者提供
更多文章：
