早前朋友仔送左包有機赤靈芝片俾我，我諗左好耐都唔知用嚟煲咩好，最後就請教藥材店嘅店員，佢就教我簡簡單單咁用赤靈芝加羅漢果嚟煲茶，咁就已經係清熱解毒，我當然就即刻返屋企煲啦！
赤靈芝屬性平，有助養心安神、補益氣血、止咳平喘、改善食欲不振及消化不良。雖然有用途好廣亦都係好有益，不過就味道帶點甘苦，所以直接焗茶煲水飲就比較難 入口。所以就可以加入羅漢果一起煲，因羅漢果本身有甜味，可以中和個味道。而兩者一齊煲的話，既可以清熱解毒，亦對肝臟好，更加可以增強身體免疫能力。
材料就只係兩樣，赤靈芝片約15g及羅漢果1個~ 
赤靈芝片水浸洗一陣；羅漢果壓碎~ 