將軍澳2男童與外傭齊跨花槽過馬路 網民為之心驚 鬧爆「有天橋唔用?」
2022-11-09
馬路如虎口，有人卻偏向虎山行！日前網上流出一段車cam片，位置在將軍澳唐明街近尚德廣場，拍下兩名男童及一名疑是外傭在唐明街橫過馬路的片段，馬路不時有車輛經過，只見兩男童及一名外傭，先站在中間的花槽石壆，然後一名穿校服身材較「細粒」的男童從石壆跳下，一馬當先跑出馬路，見他身手敏捷3秒已跑過對面行人路，接下來另一名男童及外傭亦急急腳先後走到對面行人路，然後三人一同離開，片段看得人驚心動魄，深怕三人出意外。
-
- 男童衝過馬路。網上截圖
-
- 男童待車輛駛過後即以3秒3時間衝過馬路，甚為驚險。網上截圖
-
- 其間有重型貨車駛經，在此過路其實非常危險。網上截圖
-
- 稍後另一名男童及一名疑似外傭亦由花槽石壆跳下，一前一後走過馬路。網上截圖
從三人行徑來看，相信對這種過路方式習已為常，絕非第一次，有該區網民上載該段車cam片後，惹來大批網民熱議。有人謔稱外傭帶住兩個仔做賽跑冠軍過馬路，認真不識死。不少網民直指在怡明與將軍澳廣場之間愈來愈多行人用上述方法橫過馬路，有網民指當初花槽位置原本是鐵欄，後來才拆了鐵欄。「咪係囉！唔知做乜鬼拆晒鐵欄，改做花叢（槽），改番鐵欄仲要加高再種D有刺嘢！」
在三人衝馬路位置前面不足10米已有行人天橋，亦有行人過路處，對三人捨天橋取馬路的行為不解，直指有人只顧「貪方便」。有網民就指「點解可以用紅綠燈過馬路都唔行，係都要喺路中心過馬路？」、「啲人成日心存僥倖，完全唔理後果，陣間仔女癱咗，啲父母就喺度賣慘」、「日日都好多人咁過，有老有嫩，夜晚揸車經過都覺得好恐怖！」、「有天橋唔行，好危險啫」、「無腦家長害死小朋友同司機，側邊有天橋前面有一條馬路可以過」、「上面已經係天橋重要有lift(電梯)」。又有網民指「呢D撞中邊個都輸，外傭輸，司機輸，個小朋友輸」。
獲頭條日報授權轉載
更多文章：
