工人姐姐|印傭由「一張白紙」做到自動波 港爸感恩:做咗咁耐都無跌watt
2022-11-13
可以請到一個好的工人姐姐並不容易, 日前有港爸在社交網站上發文,分享指家中的印傭最初由「一張白紙」開始,直到現時「全部自動波一腳踢」,而且任勞任怨,直言「感恩最近簽咗第三張約,姐姐做咗咁耐都無跌watt」,令網民甚為羨慕。
港爸日前在Facebook群組「表揚好姐姐開心分享區」發文,分享家中有6個人包括小朋友及長者,印傭在21歲時來港工作,當時自己和太太就當工人姐姐為「一張白紙咁教」。他指,在首2至3個月要與她一同煮食,隨後讓她慢慢嘗試,幸好她算聰明,只需教導1、2次已學會:「同埋佢會問問題,點解要咁樣、點解要落呢個之類,我整乜嘢新嘢佢都會企喺度學」。