四大長老｜老爺退休湊孫妥當又明白事理 港媽大讚：真係好感動、要珍惜
2022-12-02
將子女交「四大長老」照顧，往往因教養問題而起衝突。一名港媽日前於網上討論區發帖指，因工作關係，之前將兒子交由奶奶照顧，因為對方縱容孫兒及「俾說話」自己聽而感到不快，但基於對方肯幫手湊，因此不會有太多怨言；到現時老爺退休幫手湊，除了照顧妥當，更明白事理不會多說話，港媽直言感激「心裏面好多謝」。
即睇帖文內容：
這名港媽日前於網上討論區以「好多謝老爺幫手湊我仔」為題發帖，表示自己是在職媽媽，因此以往將兒子交由奶奶照顧，但對方縱容孫兒「手機YouTube任睇」，亦經常在兒子面前說她是非，例如「話阿仔做乜唔鍾意返屋企」、「唔鍾意跟阿媽」等。
港媽坦言因為奶奶的說話而感到不快，但她明白兒子頑皮，而「老人家湊仔唔容易」，想到「人哋肯幫你湊仲想點」，感覺十分矛盾。而近半年老爺退休，奶奶返兼職，於是由老爺幫手湊兒子，港媽指他亦有縱容孫兒，但「唔會俾說話我聽」，只是以客觀角度說話。
港媽又指，以前奶奶送兒子返學會偶爾遲到，但老爺習慣早起牀，因此兒子返學「永遠有早冇遲」，她坦言「心裏面好多謝老爺」。另外，她又分享一次大雨日子請假去接兒子放學，見到老爺一邊拖着孫兒，一邊幫忙揹書包、被褥，當時「真係好感動」，又感恩自己有個好老爺：「原來唔同老人家湊真係會唔同的，我而家冇咁矛盾冇惱自己了。希望呢個狀態可以維持落去。……老人家湊仔唔係必然，仲要湊得好，要珍惜。」
網民均羨慕港媽有好老爺，又大讚她懂得感恩：
^港媽於網上討論區發帖，大讚幫手湊孫的老爺。
來源：「親子王國」討論區
更多文章：
