日前有連登仔以一張簡單的手繪圖開post尋找TVB一個女甘草，當時樓主形容：「把聲成隻鴨，有粒大粒墨喺嘴角，做開啲野蠻角色。」結果開post短短4分鐘，已經有網民成功解答，原來樓主要找的是69歲李楓，其後有其他網民透露她的近況：「同我老竇同一間老人院，仲好精神，行得走得，一入門口就見到佢。」
有指李楓晚年生活悲慘，曾因腦部生水瘤需要做手術，但因為付不起私家醫院費用，只能去公立醫院排期，其間等做手術的時候更一度痛到要爬地求醫。
早年李楓曾經有過一段姻婚，不過老公沉迷炒股，全家由九肚山豪宅搬到去村屋，她甚至賣嫁妝為夫還債，更經歷兩次破產。後來李楓受不住，在1995年決定離婚，返無綫拍劇養活一對子女，更因貧窮只能日花20元，可惜回巢後卻遭投閒置散：「我好內疚，屋企風光嗰幾年，我做唔到個好媽媽，唔會攬佢、錫佢，日日掛住吃喝玩樂、打麻雀高朋滿座，又或者去演戲。我唔識得教育佢哋，所以有段時間佢哋唔鍾意我呢個阿媽，我明白呢樣嘢係冇得原諒。」
不過主持人稱李楓兒子在婚禮上表達很愛媽媽，著李楓不要再自責，李楓亦說：「佢係好孝順，只係我做得唔好，過去風光嘅日子享受過，都已經成為歷史，偶然緬懷一下，但唔想成日追憶，因為會成為自己的負能量。人活到一把年紀，都會曾經唔開心到試過唔想做人，但盡量唔好畀負能量維持咁耐。坦白講，我就算有兒有孫都係自己一個人獨居，只要對人冇傷害，我都要死撐活著。」
曾在2012年轉投香港電視的李楓，演出過重頭劇《導火新聞線》，又與元華等甘草擔正《惡毒老人同盟》。不過港視未獲發牌，李楓在2015年重返TVB，演出處境劇《愛．回家》系列，亦在多部電視劇演出閒角，直到《黃金有罪》、《那些我愛過的人》、《使徒行者3》播出後，李楓約滿離巢，結束25年與無線（TVB）的賓主關係。
獲頭條日報授權轉載
更多文章：
