Patrick Sir分享好書《請照顧我媽媽》 淚崩憶童年不忍父母辛勞誓努力脫貧

今年45歲的林溥來（Patrick Sir）在J2主持綜藝節目《開卷》，近日一集(1月30日)分享韓籍作家的作品《請照顧我媽媽》講述與父母的生活點滴，其間觸動了平日風趣幽默Patrick Sir的淚線，數度落淚，想起自小在公屋長大，父母辛勞工作養家的經歷，立志長大要發奮為家人脫貧。同時寄託大家珍惜眼前人。

韓國作家申京淑《請照顧我媽媽》

Patrick Sir分享好書《請照顧我媽媽》

Patrick Sir與其他主持何泳芍、伍韻婷和布樂文推介韓國作家申京淑的作品《請照顧我媽媽》，書中以第一身角度講述，一直住在鄉下的媽媽來首爾時失蹤，而子女們撰寫尋人啟事， 每人描述媽媽形象，發現每人對媽媽記錄好模糊，更出現分歧的意見。

Patrick Sir表示，反思自己「我睇到呢度仔細諗，你有冇諗過自己阿爸阿媽仔細嘅樣，忽然間思考原來有啲難度，如果你好耐冇見。媽媽幾年幾月出世，真係會唔記得！對阿媽好唔認識，阿媽鍾意啲咩，鍾意咩顏色，都唔知道……」

書中提到每人關於母親的記憶，子女開始回憶，媽媽永遠都沒有離開廚房，不辭勞苦為子女準備好餐點，又會為大兒子做跑腿，把最好的給予子女，而犧牲自己。丈夫都想起太太沒有剛相識時健康，更有中風症狀。小說寫出：「對你而言，媽媽就是媽媽。你從未想過，媽媽也有蹣跚學步的時候，也有三歲、十二歲，或二十歲的時光。」令人反思媽媽不是天生是媽媽，都為一個家放棄她想做的事。

淚崩憶童年不忍父母辛勞誓努力脫貧

Patrick Sir頓時情緒激動淚崩：「呢種又係好觸動我，其傳統家庭的媽媽，我屋企就係傳統家庭，媽媽就等於廚房。佢就係有呢啲畫面，你會覺得個心痛到呢……以前我一個人出去住，我阿媽又係咁，成日一袋二袋成壺湯咁拎嚟，我返去飲咪一樣，媽媽嘅支持就係支持到幾多就幾多。

我自己由細到大，見到阿爸阿媽為錢（努力賺錢），就會好想成功，我發誓一定要令佢哋幸福，一定要脫貧！但就係咁忽略咗一啲去表達俾媽媽知你幾愛佢，你幾錫佢嘅機會。佢媽媽唔見咗，完全唔可以同佢再講。」寄託大家珍惜眼前人。

圖片來源：Patrick Sir@IG、《開卷》電視截圖

其他閱讀 : 

學英文︱從小學Phonics 3大好處：串字更易、這歲數開始學記生字快一倍︱Spencer Sir

英文補底｜由DSE英文不達3級 到IELTS成功獲7分