面部彩繪師｜全職媽媽陪愛女上興趣班 意外開展第二人生 Karen：孩子的笑容是向前的動力

面部彩繪師｜去嘉年華很多時都有得玩彩繪，面部彩繪師為孩子帶來不少歡樂，不過因為需求不大，行內極少人視此為終身職業。本身為全職媽媽的Karen，為氹女兒開心走去學卻一學愛上，還膽粗粗擺檔，只為愛上孩子們燦爛的笑容，冀用雙手為每個嘉年華添上色彩。

這天去到林村許願節擺檔，春風陣陣，小朋友在玩樂時尖叫聲此起彼落。Karen拖着大大的行李車及沉重的背包，急急腳走到攤位前開檔。

大大小小的行李，看到都覺得重。

面部彩繪師｜孩子笑容是努力的動力

「有時會去到好山旮旯出job，試過行一條好長嘅樓梯，要自己抬行李上去。」畢竟想要歡樂的小朋友不分遠近，這天Karen和幾個面部彩繪師一起到市集擺檔，由港島南區到大埔林村，搭完地鐡轉巴士，用了兩個鐘時間。甫到埗，Karen隨手一揮鋪上星空圖案枱布，小攤檔頓時生色不少，跟着在行李喼拿出一支又一支畫筆、顏料及閃粉等，行頭十足。

山長水遠又拖又孭，難道好好揾？ Karen笑笑口：「不是…..真的是有興趣，喜歡畫，看見小朋友畫完後滿足笑着離開的樣子，超有滿足感。單是畫具都要時間回本，而且並非每次市集都如此受歡迎，拍烏蠅的場面很常見……」

每次畫完一個彩繪，Karen都會把鏡子擺在小朋友眼前，讓他們看看可愛的樣子，「試過有個兩三歲嘅小朋友好怕醜，好想玩但又全程垂低個頭，我唯有踎喺度幫佢畫。不過當我攞塊鏡俾佢照完之後，佢就笑得好開心啦。」

孩子滿足的笑容成了Karen的動力，同行的爸爸媽媽一個欣賞的眼神，也為讓Karen注入強心針。

見到成品，小朋友笑得很開心。

大家可能會覺得多是媽媽帶小朋友去玩彩繪，事實是很多時都由爸爸主動。

「有些妹妹已經十幾歲，過咗鍾意畫公仔嘅年紀，好多爸爸都會拖住個囡囡想說服佢哋：「不如你試下啦，我想你試吓，我想同你影相呀」」場面溫馨又可愛。爸爸眼中， 前世情人永遠天真可愛，不想她們太快長大。

Karen 提起小朋友時連眼睛都懂笑，「我哋係帶歡樂俾人嘅，希望可以氹到佢哋開心。」面對一些較害羞或被動的小朋友，身為媽媽的Karen有先天性優勢，懂得如何跟小朋友溝通。這天剛巧有一個較沉默的女孩來到，Karen隨即問她幾多歲、又不時讚她美麗，小女孩漸漸放鬆起來，不自覺笑了出來。選好想要的圖案，再選閃石，談起喜歡的卡通和打扮，話匣子又再次打開。

Karen笑說：「其實小朋友好簡單，佢哋都好貪靚。」

在立體的人臉上畫畫有一定難度。

兩個作品都很可愛，迎合兔年畫了兔仔。

畫彩繪時Karen總是面帶笑容。