2023-02-24
陳豪（阿Mo）在喜劇《新四十二章》表現出位，又跳街舞又裸泳，他承認入行29年要突破自己好難。提到跟結婚9年的太太陳茵媺（Aimee）婚後首度合作《羅密歐與祝英台》，雖然過程愉快，但阿Mo竟然話唔想有下次。另外，陳太有開心分享癮，一睇IG就知陳家去過邊食過乜，陳豪唔介意老婆公開家事，更首談跟Aimee維繫感情秘訣全靠「透明」兩字。
4月便52歲的阿Mo，入行29年拍劇無數，要突破自己確實好困難。
富有默感的阿Mo，自言最愛演喜劇。
阿Mo有大量演喜劇經驗，不過以前唔識得拿捏，演得太誇有反效果。他表示《新四十二章》是他入行以來最難演的作品，因劇情天馬行空，要踏實去演並不易，連最弱的跳舞都要豁出去跳，「明知自己弱項，so what！？我係要將個感覺跳出嚟。」講到最難演場口，曾全裸演出電影《晚九朝五》的阿Mo，認為是跟譚凱琪裸泳的一場，「我都冇裸泳好耐，哈哈！我係幾欣賞阿Joe（監製陳維冠）度到呢啲情節出嚟，平時唔會做嘅嘢，拍劇可以放膽去做，咁咪可以撞到啲嘢出嚟，佢係挑戰我底線，我連底褲都除埋，哈哈！」他自爆是他主動提出，拍攝時要交代除埋底褲先有喜感。
阿Mo在《新四十二章》有場街舞戲，相當搞鬼。
《新四十二章》中，阿Mo跟譚凱琪的裸泳戲，交代他連底褲都除埋，成為熱話。