蔡天鳳碎屍案丨閨密上《東張》爆姓鄺前夫疑事發後舉動 致電問Abby現任奶奶點解報警

譚仔米線創辦人媳婦、28歲名媛蔡天鳳（Abby）24日被發現身亡並遭碎屍，涉案的前夫父母、兄長早前已被捕，在逃的姓鄺前夫Alex昨日（25日）亦在東涌碼頭被輯拿歸案，由於手法極度兇殘，引起全城轟動。今日TVB節目《東張西望》訪問蔡天鳳相識5年的生前好友、動物慈善組織創辦人「豹太」，豹太在訪問中聲淚俱下：「如果係前世嘅債，佢今世做咗好多好事，佢係一個天使……前世還晒喇，安息啦，唔好再錯落下。」令人相當心酸。

有傳前夫兄長在加多利山寓所接載蔡天鳳，豹太否認指：「佢唔係喺加多利山上車，佢係咪譚家屋企上車，佢每日行程就係而家自己住緊嘅屋企上車，然後司機載佢去接送個女返學放學，Abby全程都喺架車度睇住，係一個媽媽心態。」豹太認為案件是在蔡天鳳接女兒放學發生：「司機要接Abby，再去接個女放學，但最後車咗佢去龍尾村。」

豹太透露蔡天鳳有數個司機，其中一個專門負責接載蔡天鳳與前夫所生的小孩的司機在過年時辭職：「佢哋呢家人（疑犯一家）就話不如叫大伯做，Abby覺得冇所謂，你要錢就畀你賺，佢都係要個信得過嘅人，佢好信佢哋。」對於有指因蔡天鳳欲放售加多利山物業而令兇手起殺機，豹太指只是蔡天鳳的投資決定，之後會再安置前夫一家。此時豹太旁邊的男士更大爆：「呢個通緝犯（前夫），佢成日喺內地扮自己好有錢，一晚可以使幾十萬請人飲酒。」豹太續指：「一個退休差佬住加多利山，佢可能以小人之心度君子之腹，Abby根本唔會待薄人。」

豹太同時大爆蔡天鳳前夫家底：「Alex（蔡天鳳前夫）本來家底唔係幾好，媽媽本身係家庭主婦，16、17歲大家年少識。Abby鍾意一個人唔會理家底係點，佢就瞓身去照顧嗰個人，離婚嘅原因我唔知，但應該係性格不合，佢冇喺我哋面前講佢半句壞話。」豹太更指蔡天鳳「養晒佢哋成家」，明知蝕錢亦打本給前夫兄長做雞蛋仔生意。提到蔡天鳳前夫早在2015年已涉及一宗男同志交友app的詐騙案，豹太指：「Alex畀人通緝其實我哋都唔知，我相信連Abby都唔知。Abby只係知佢前夫成日要坐船來往內地，但係我哋都唔知呢個人呢個人畀人通緝緊。」

豹太同時大爆在蔡天鳳失蹤前間，曾打給蔡天鳳現任奶奶，即譚仔創辦人太太，爆喊質問對方：「點解報警都唔話我聽。」豹太指當時蔡天鳳奶奶等人已心知不妙：「我哋最初以為係綁架，但一直都冇收到綁匪電話。」豹太指蔡天鳳家人全部都情緒崩潰，並透露她有未了心願：「佢好想幫好多動物，見到好多動物畀人棄養。」

獲頭條日報授權轉載