親子教養｜面對社會事件大兒子不安流淚 麥雅緻用1招安撫孩子不安情緒

名媛蔡天鳳案件轟動全城，令不少人對青紅蘿蔔湯有了陰影，在大人們討論案情的同時，又有沒有考慮到對孩子的影響？身兼兒童與家庭教育文學碩士的麥雅緻，日前就在個人專頁上分享了與孩子相處時發生的小插曲，大兒子Makson（小花生）在談及事情時，一直在擦眼淚，更不敢去附近的地方。原來即使沒有明言，社會事件對小朋友而言，還是有一定的影響。

以下為麥雅緻和大兒子Makson（小花生）的對話：

早兩天晚飯後，我的大兒子小花生在做功課之時，突然煞有介事的說： 

「媽媽，我唔想去「某」老師屋企，同學話俾我知呢，個屋企殺咗人⋯⋯我好驚呀」

我（其實好愕然） ：「你點解會知道呢件事嘅？」

小花生：「今日有同學仔講㗎，係唔係有壞人殺人呀？我好驚呀!」

我： 「嗯⋯⋯ 係呀Makson，有個好好嘅媽媽俾壞人傷害殺死咗⋯不過唔係「某」老師屋企，而係喺佢屋企附近發生嘅，不過你唔洗驚，壞人而家已經被人搵到，唔可以再傷害到其他人⋯⋯」

小花生：「我唔想去嗰度呀⋯⋯ 」

我：「我哋唔係去嗰度呀，不過就算要去，你都唔洗驚，因為你並無做壞事，並無做一啲唔好嘅嘢，所以唔洗驚，壞人而家已經被人捉咗，唔可以再傷害到其他人⋯⋯」

小花生：「咁個媽媽係可以返嚟？」

我：「Makson⋯⋯好可惜⋯⋯嗰個媽媽好似公公咁，去咗個Moon度，唔可以再返嚟⋯⋯ 我哋可以祈求佢做個小天使，喺天上看顧佢啲小朋友。」

Makson: 「我會做個乖孩子，我唔鍾意壞人⋯⋯（ 一直在擦眼淚⋯⋯ ）」 

之後，我亦有再加以安撫他的情緒。

名媛蔡天鳳案件轟動全城