學生壓力|「你知唔知我幾辛苦？」初小生壓力爆煲 港鐵狂呻5分鐘「辛苦論」掀熱議

網絡熱傳影片，有小二女生疑壓力爆煲，在港鐵向母親狂發牢騷，長達5分鐘的「辛苦論」字字珠璣引來網民熱議，有網民認為事件令人聯想到早年「巴士阿叔」「有壓力未解決」的經典言論。

影片全長約5分鐘，拍攝者將鏡頭朝下拍攝，主要錄取該小二女生的聲音，其後隨女生步出車廂拍攝到該女生腳部，影片於上周四（2日）上載，未知具體拍攝時間。

以下為女孩和媽媽的對話的文字版本：

小二女生：我依家已經唔舒服，仲要日日係到返學，我好辛苦。晨早留留咁早起身，我想瞓係個被到，仲要咁早起身。你仲要唔畀我睇手機，我真係好辛苦㗎。

我真係好辛苦，你知唔知呀，你成日都唔畀空間我㗎，你依家又阻我時間啦。你知唔知我幾辛苦呀。你知唔知我幾辛苦，幾忙呀。我好辛苦先升可以到二年級，我唔係可以好似你咁樣㗎。

你依家又乜嘢都唔畀我睇囉，你依家好唔鍾意我，你可以叫我即刻走囉，

小二生母親這時回覆：過兩日你囉。

小二生：我唔想再過兩日，我想即刻走呀，我唔想係到等呀，我等咗幾年，我好辛苦㗎，我想走好耐㗎啦，你唔好淨係咁樣，你阻咗我幾多時間呀，你拖阻我好耐啦，你拖阻我幾耐？

你拖咗我好耐啦，你唔好再咁樣對我，得唔得啫。我做咗好多嘢幫你。

小二生母親回覆：你做咗乜嘢幫我？

小二生：你唔好問！你知唔知你浪費咗我好多時間，你而家仲想唔想要我啫。你唔想要我，叫我即刻走囉，好唔好。你咁樣我好難講理，好難頂呀，你知唔知呀。

你成日都唔明我哋嘅，你成日剩咁樣，你每日都係咁樣，你次次都係咁樣。冇人鍾意我呀，而家，我一世都係咁，我好慘㗎。

小二生母親回覆：邊個唔鍾意你呀？