軒公敲碗｜張敬軒幫Lucy化綠眼影浮誇難忍笑 疑遭報復整「肚痾」早餐侍候
2023-03-16
張敬軒最近在社交頻道推出《軒公敲碗》第二季，最新一集有李璨琛與太太梁志瑩囡囡李元元（Lucy）擔任嘉賓，軒仔要代Lucy媽照顧幾個鐘，提供「Lucy一日託兒服務」。一向活潑的Lucy未知是否「怕生保」，到達軒仔位於薄扶林的百年歷史大宅突然沉默，其間更多次對軒仔露出無語反眼表情，又特別炮製食完會肚痾的早餐，令到他大呻「我同早餐都係冇乜緣份。」影片上架未夠24小時已登熱門影片第一位。
張敬軒《軒公敲碗》第二季邀請李元元（Lucy）擔任嘉賓，笑料百出：
-
- 張敬軒在片頭問Lucy是否穿本土歷史悠久的內衣品牌底衫。
-
- 又忍不住笑。
-
- Lucy沒有表情跳走。
-
- 張敬軒為Lucy媽提供「Lucy一日託兒服務」。
-
- Lucy好乖俾軒仔拖住入屋。
-
- Lucy有自備化妝品。
-
- 軒仔都有為Lucy準備玩具化妝套裝。
-
- 軒仔見Lucy打不開化妝盒，主動幫手，仲話女仔不用自己開，點知秒打面。
-
- 因為軒仔打不開，感到尷尬。
-
- 軒仔笑言自己似某位知名化妝師。
-
- 不過化到Lucy對眼咁。
-
- 二人研究再搽乜。
-
- Lucy平時會自己化妝。
-
- 軒仔見到忍唔住爆笑。
-
- Lucy被問到喜歡眼影的顏色時，以極細聲說：「都鍾意。」
-
- 軒仔抱起Lucy時問體重，仲講笑二人應該差不多重量。
-
- 軒仔抱了一陣Lucy已頂唔順。
-
- 軒仔表示有肩周炎，要放下Lucy。
-
- Lucy換上喜愛的公主裙轉圈圈。
-
- Lucy表示只戴一條，不用全部戴上，但軒仔未有理會。
-
- Lucy戴完就扯斷條鏈，嚇到軒仔瞳孔放大。
-
- Lucy好鍾意公主裙。
-
- 仲被迫擺軒仔的舊pose。
-
- 又唱兩句《Let It Go》
-
- 戴上長假髮都幾襯。
-
- 軒仔長髮都幾靚。
-
- Lucy的表情明晒。
-
- 二人整早餐。
-
- Lucy擺明大整蠱。
-
- 整跌橡皮糖，軒仔即時執返。
-
- Lucy又加薯片，被軒仔問知唔知好熱氣，她即點頭。
-
- 仲加蛋殼。
-
- 蛋加蛋殼，係乜食法。
-
- Lucy好努力拆蛋，挖蛋黃俾軒仔。
-
- 見到呢個畫面，軒仔直言：「我同早餐都係冇乜緣份。」
-
- 之後見到加益力多，更眼都突。
-
- 仲有加茄汁豆，軒仔再次放大瞳孔：「食完肚痾都似。」
-
- 軒仔想同Lucy分甘同味，但遭拒絕：「唔使！」
-
- Lucy直言：「特登！」
-
- 軒仔個樣滴晒汗。
-
- 軒仔耐心地為Lucy講睡前故事。
-
- Lucy聽了一陣，似乎覺得好悶。
-
- 跟住自己玩。
-
- 二人又玩吹氣球。
-
- Lucy媽終於返來救軒仔。
-
- 見到媽媽Lucy即變返活潑。
-
- 軒仔問Lucy可唔可以同佢玩，獲回覆可以。
-
- Lucy：「我覺得你好鍾意我。」
-
- 軒仔挑機MC問Lucy鍾意邊個，Lucy表示兩個都鍾意。
-
- 軒仔聽到好開心。
-
- 軒仔想唱歌給Lucy聽，則被派檸檬。
-
- Lucy拒絕：「唔使啦！」令軒仔好無奈。
為盡快混熟，軒仔由Lucy最愛的扮靚入手，準備公主裙及玩具化妝套裝，而Lucy卻自備指甲油及眼影，仍聽從張敬軒建議塗上粉紫色、綠色閃粉及藍色眼影，其間軒仔多次忍不住大笑，而Lucy的表情則多次反眼，但未有表達不滿。軒仔問到是否喜歡眼影的顏色時，一臉天然呆的Lucy以極細聲說：「都鍾意。」不過軒仔有安排為Lucy擦去眼影。之後Lucy連續試穿3條公主裙，軒仔大讚：「佢係好知道自己想要啲乜嘢，我覺得佢都幾成熟，同埋好有手尾，佢係自己會執番整齊啲嘢，呢啲真係好少見啊依家啲小朋友。」但Lucy對軒仔不聽她講，夾硬為她戴上的兩條頸鏈，就突然扯斷其中一條，嚇到軒仔一度瞳孔放大。
下一Part的早餐環節，Lucy為軒仔炮製「特別早餐」，她揀橡皮糖、薯片、粟米、蛋黃興奮地「加料」，坐在旁邊的軒仔就搖搖頭自嘲：「我同早餐都係冇乜緣份。」完成前，Lucy更指着要加益力多及茄汁豆，軒仔再次瞳孔放大，自言自語說：「食完肚痾都似。」又反問Lucy：「你知唔知我一陣要食咗佢㗎？」Lucy點頭坦言：「特登。」令軒仔失笑，雖然他曾邀請Lucy分甘同味，但遭到拒絕：「唔使！」Lucy媽之後有在社文網爆料，指自己幾鍾意整早餐嗰一部分，因為「佢話係特登整到咁難食」。
Lucy媽回歸前，軒仔耐心地為Lucy講睡前故事，但好動的Lucy只聽了一陣，似乎覺得好悶，之後就自己騎住玩具獨角獸彈彈跳，未有理會繼續讀故事的軒仔。在片尾中，軒仔剪輯二人閒聊的片段，問到十分喜愛張天賦（MC）的Lucy，喜歡MC還是他？Lucy表示兩個都喜歡，軒仔就對住鏡頭向MC示威，擺出自信的表情。又問Lucy覺得他如何時，竟被指：「我覺得你好鍾意我」，但軒仔隨口問想唱歌給Lucy聽，則被派檸檬，Lucy一臉呆滯說：「唔使啦！」令軒仔好無奈。
獲星島日報授權轉載
其他閱讀：
