徐菁遙為13歲大女野餐慶生 Vianna盡得優良基因 天生一雙美腿令人羨慕
2023-03-18
現時38歲的徐淑敏(現名徐菁遙)於2009年與黃浩結婚之後,在5年間分別誕下三名千金,於2014年與TVB約滿離巢,專心做少奶奶,陪伴3位女兒成長。徐菁遙一向與三位愛女關係好好,每逢生日或過節總會大肆慶祝一番!
而近日適逢大女Vianna 13歲生日,靚媽就帶齊靚靚野餐用具到迪欣湖大搞野外派對,非常之有少女味!而囡囡Vianna亦有入鏡,小清新打扮的她更加盡得靚媽優良遺傳,天生擁有一雙大長腿,連徐菁遙好姊妹沈卓盈都不禁留言大讚「Happy birthday my dear Vianna,同媽媽一樣咁靚女」。
13歲的 Vianna年輕貌美,是不爭的事實,但另一方面,現時38歲的徐菁遙同樣少女味十足!徐菁遙不時都會在個人IG分享靚相,早前她就以花裙Look上陣,露出纖腰及性感鎖骨,皮膚更是白到反光,不少網民都大讚她凍齡,甚至比2006年選美時更靚更瘦!