張繼聰與謝安琪結婚16年，育有15歲大仔James及5歲細女Karina，一家四四經常晒幸福過得非常美滿！不過由於做演員的張繼聰近日要飛日本拍戲，囡囡Karina對於爸爸要突然離開屋企一段時間要不捨爆喊，成晚攬實爸爸張繼聰，父女情深。謝安琪就於IG分享了囡囡的喊包樣，雖然一向呆萌的Karina仍然非常可愛，但見到她傷心欲絕，不少網民都大表心痛，謝安琪寫道：「爸爸今朝飛去日本拍戲，有個小朋友，由琴晚就開始唔捨得，喊咗好多次，喊到眼都腫晒，更正，喊到成個面仔腫晒，好犀利」。
星島日報授權轉載