東張西望丨13歲女童淚崩哭訴遭男同學強吻 校方冷待兼報警趕走家長

2023-03-26


TVB《東張西望》昨日(25日)報道一宗13歲女童在天水圍校園慘遭男同學非禮案件,而且事發不只一次,男同學會拉扯受害女童入廁所,從後攬住她,更指下體「掂到後面」;女童情緒崩潰向家長哭訴,其後家長報案處理,不過之後校方卻反指家長「恐嚇」,更不斷催促女童學返學。
身為泰國人的潘太接受《東張》訪問,透露當時揭發事件的經過:「我個女放學時,諗住去7樓搵老師攞功課,有個男同學跟住佢,點知個男仔從後攬住佢,想拉佢入洗手間,一直扯佢隻手,佢一腳踢開個男仔想推開佢,跟住一直跑想離開。」後來受害女童見到社工,不過因為怕醜、感到害怕而未有向社工透露事件;當社工一走開,男同學繼續緊跟受害女童。女童隨後跑到校門,見到其他家長,即扮見到媽媽大叫:「媽媽,我喺呢度。」男同學亦立刻閃走。

即睇案件經過:

受害女童立刻跑回家,當潘太一打開門,受害女童立即情緒崩潰,當時剛巧潘太拿着手機,於是錄下與女兒的對話內容,女童在錄音中痛哭,當潘太問她:「佢捉住你隻手?」女童崩潰大叫:「係啊!佢捉住我!佢諗住拉我去第二個地方!」更透露男同學攬她攬了很久:「佢成日都咁做!」潘太表示:「佢(女兒)話男同學攬住佢條腰,個嘢(意指下體)掂到佢後面,佢覺得好驚。」

潘生與潘太立刻決定報警,案件交由CID跟進,錄口供時父母則在另一間房透過視像觀察整個過程,潘先生表示:「聽我個女講件事,原來唔只今次咁嚴重,之前都有幾次,一係樓梯一係廁所,係同一個男學生。」男同學還會扮親吻受害女童、摸她的屁股。潘太形容:「佢一唔小心,個男同學就會趁機想搞佢。」而且懷疑非禮行為在去年5月已經開始發生,父母對此都感到相當痛心。

後來潘生潘太到女兒就讀的學校,打算通知校方已經報警,豈料反而被校方趕走,潘太說:「有個男老師同我哋講,校長唔得閒,要等等。20分鐘後,就見到有警察喺學校前面同校長傾偈,個警察即刻鬧我哋:『你兩個喺度做乜嘢啊!你哋返嚟學校做咩啊?走啦!仲唔走?』」當時潘太感到非常害怕,在離開前向警察說:「我哋只係同校長講聲,如果你哋唔滿意,我哋走囉。」回到家中,潘太已接到警方電話:「佢鬧我哋,話我哋扮警察恐嚇學校。我哋就話『點扮啊?我只係通知校長,校方都知道我哋係家長。』佢叫我哋唔使再搵,跟住會去學校。」潘生潘太對於被警方驅趕、遭誤解為「恐嚇」,至今仍感到相當不解。相隔4個月,潘先生再向CID了解案件進展,對方表示:「轉頭答你」,最後又再不了了之。

案件發生後,受害女童一直未有再返學,只以網課模式上堂,潘生表示:「(校方)係咁打電話畀我,搵個社工不停叫我個女返學,但個男同學仲返梗學,學校又冇處理佢。試過一次帶佢(女兒)返學,去到學校門口都話要走,之後斷斷續續收到學校電話,可以話係騷擾。」去年底校方更發出嚴重缺課通知書,指女童在沒有特別理由情況下,有機會留班。潘生收到通知書感到好火滾:「你明知CID仲查梗,唔知進展點,學校係咁迫我個女返學,我可以做到啲咩呢?」《東張》明晚將會繼續播出個案,並會與校方進行交涉。

獲頭條日報授權轉載

圖片來源:TVB《東張西望》截圖

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

非常爸抱怨小學兒子「 功課 太多」 滋擾恐嚇校長 1小時狂打電話18次 最終被捕
2024-03-28
知識改變命運 ? 私補30位學生僅一位基層生入大學 博士生慨嘆:一個好無奈嘅事實
2024-03-28
《中年好聲音》37歲支嚳儀4歲仔仔畫花牆  要兒子自己收拾殘局學承擔 幸與老公理念一致
2024-03-28
美國佛羅里達州禁14歲以下兒童開社交媒體賬號 全美最嚴厲法案
2024-03-27
輔助生育開支扣稅擬下年度實施 政府提醒申請人需保留收據等文件
2024-03-27
新一期《親子王》7-11及OK便利店有售!即睇更多升學教育、教養溝通資訊
2024-03-27
查看更多   ▸