好人好事|77歲伯伯於粉嶺公路截車險釀意外 好心外賣員及時阻止救助伯伯
2023-04-03
香港處處都是好心人!一名77歲伯伯日前獨自於粉嶺公路的天橋底伸手截車,更一度想衝出馬路,過程相當驚險,幸有途經的外賣員及時發現並報警,之後與同事將伯伯「撳住」,成功阻止意外發生!
一名熱心外賣員日前在Facebook群組「上水人大聯盟」發文,問網民「有冇人識得呢個伯伯」。事緣他在4月2日下午送外賣期間,途經粉嶺公路近碧湖花園,見到一名伯伯拿住雨傘蹲在橋底位置,以為他「想大小解」,但其後見到他伸手截車,甚至一度想衝出馬路:「我當時趕住送餐,諗住走㗎啦,最後直覺話我知都係唔對路,只好報警,點知佢真係衝咗出去,好彩有同事經過,一齊撳住佢。」
該名好心的外賣員待警員到場處理,又拍下伯伯的側面照上載到Facebook,希望能夠幫他尋回家人。其後他更新帖文表示「已搵到伯伯個女了」,並多謝各位網民的幫助。
很多網民讚外賣員見義勇為,而且熱心助人,值得敬佩:「好彩遇見你,好人有好報」、「見義勇為,拔刀相助,有心人」、「好人好事」;但事主則留言表示自己只是略盡綿力:「唔好咁講,我差啲一念之差走咗去,伯伯有事,真係瞓唔着。」
來源:Facebook群組「上水人大聯盟」
更多文章: