女童夾公仔機店內嘔吐 家長懶理離開累其他顧客踩中 店主發帖尋人

嘔吐是幾乎所有人都經歷過的不適症狀，但弄髒他人地方後，不應一走了之。日前屯門一間夾公仔機店主於社交平台上載一條影片，片中一名女童蹲在地上嘔吐，同行家長僅用紙巾幫她抹咀及手，並無清理地上的嘔吐物便離開。店主指事後有家長及小朋友不慎踩中，但未有跌倒或受傷，今次發帖尋人並非要追究事件，僅希望涉事家長能夠交代事件，「只係發生完啲事要教導返小朋友點處理，加上大人唔識處理順便教導」。

涉事夾公仔機店店主於fb群組「真.屯門友」上載影片，根據片段所見，事發日期為3月31日下午4時15分，當時一名女童在店內狀甚不適，之後蹲在地上，單手扶住夾公仔機，同行的男性家長為女童脫下口罩大約數秒後，女童隨即嘔吐，手掌亦被嘔吐物濺到。該名家長立即用紙巾幫她抹咀及手，並無清理地上的嘔吐物便離開。

店主指事件發生後一個半小時才獲通知相關情況，當時雖已即時進行清潔及消毒，但仍有家長及小朋友踩中嘔吐物，但未有受傷及跌倒。店主又強調並非要追究事件，「小朋友唔舒服唔緊要，嘔完搵吓管理處或通知聲都好呀，不是追究，只係發生完啲事要教導返小朋友點處理，加上大人唔識處理順便教導，做人要有禮貌同道德」。

影片引來多名網民熱烈討論，不少人批評涉事家長毫無公德心，「為人父母咁無公德」、「做人父母應有的榜樣，注意公眾衛生」、「咁大個人點會話唔識，肯唔肯做咁解」、「作為家長唔應該用咁嘅處理方法」，但亦有人覺得店主不應公開女童及其家長的容貌，「嘔完唔清理係唔啱，但唔洗咁都放上網」、「竟然唔係擔心小朋友有無事，而係關心嘔完無清潔好？」不過店主補充，今次發帖尋人只是希望涉事家長能夠交代事件，「本店一直有教無類，小朋友偷嘢咩都有，但都係要求家長帶返嚟講句對唔住同埋家長嘅教育認清自己嘅問題錯過」。

獲頭條日報授權轉載