陳展鵬悉心栽培4歲愛女小豬比 讀星二代名校 仲狂報興趣班學溜冰打Golf

復活節長假已展開，一眾星級父母都為子女安排各種活動，不過視帝陳展鵬與太太單文柔（Phoebe）卻「一反傳統」，居然由4歲愛女「小豬比」陳諾瑤（Quinta）安排行程，繼早前單文柔晒出囡囡極速狂「掃」高爾夫球的爆笑影片後，近日她再連環分享囡囡震騰騰學溜冰、以及一家三口暢遊水族館的花絮照，如此多活動，可見小豬比「電」量十足！

日前，單文柔在IG上載母女睇水母的短片，片中求知慾甚高的小豬比不停口噏噏，蹲在旁邊的媽咪則耐心為她講解，單文柔於帖文透露：「四歲嘅小朋友究竟有幾多精力呢？婆婆今日打嚟問我，點解Quinta學咁多嘢，Cooking class, little scientist, drawing, ice skating… 其實全部都係Quinta話要學，嚟緊佢仲話要學番Ballet，我都想睇吓佢點分配啲時間。今日上完溜冰，去咗睇水母，見到水母BB孵化過程，好神奇。Busy & Fun Day.」

一眾網民睇見即留言為小豬比打氣：「小豬比加油」、「小朋友精力旺盛，都有一个願意陪佢的好媽咪」、「佢肯試，就畀佢自己搵真有興趣的繼續學」、「瑤瑤還在摸索自己真正的興趣，將來跟daddy一樣，當一位全能的健將」。

小豬比年紀細細，但一對「廿四孝父母」已用心栽培，2021年小豬比入讀學前預備班（N班），陳展鵬夫婦為她挑選了著名星二代學府國際英文幼稚園暨幼兒園(St Catherine’s International Kindergarten），該校每年學費逾8萬，學生完成N班便可直升同校K1，過去不少畢業生都升讀傳統名牌小學，包括男女拔萃、聖保羅男女等。至於曾入該幼稚園的星二代，包括陳慧琳兒子劉昇和劉琛、陳敏之兒子雷子樂、王浩信與陳自瑤女兒王靖喬等。

獲頭條日報授權轉載