中學生的興趣班｜天使媽媽

某日，睇返兩兄妹細細個上興趣班的相
感觸良多，百般滋味在心頭
計吾到掉左幾多錢落海
浪費左幾多光陰在街上遊蕩等待
不過呢，作為香港平凡師奶
見到香港小朋友，大部份都係十項全能
實會幻想，自己仔女都係

我的心態
有能力，有時間，接送安排到
吾試過吾知道鐘吾鐘意
如兩兄妹有興趣，會帶佢哋去試
同大家分享一下
兩兄妹的興趣班歷程

。。。

先介定一下，我家興趣班的定義
同學術完全冇關係，純為玩樂
關乎到成績，用作提升分數
叫補習班，分別係，一定要上
換言之，興趣班，非必要
等於飯後甜品，食飯食得好先會有
成績不好，不要諗，返屋企溫書吧

。。。

兩兄妹的興趣班之路
哥哥未夠一歲就開始
妹妹遲小小，應該係兩歲左右
課程好多元化
BB認點點班，應該係最呃錢嗰樣
而家諗返，當年真係好無知，哈哈
游水必學，學識左就停
哥哥有學過溜冰同畫畫
妹妹都有去過合唱團，喊足三個月
鋼琴亦放棄了
貪方便一齊接送
係吾可行嘅
亦曾經試過圍棋、籃球、手鐘
芭蕾舞、花式跳繩
興趣太多時間太小
大個了，功課忙就要取捨
你估真係吾駛做功課咩
吾溫書都要瞓覺啦

。。。

兩兄妹到而家都仲學緊咩呢～
哥哥：Rugby、劇團、彈琴
妹妹：劍擊、溜冰、畫畫
有運動有藝術
希望做到身心平衡發展

。。。

差不多全部學左十年以上
不停篩選，揀到鐘意的，就不能輕易放棄
欣賞兩兄妹的努力
堅持吾代表成功
但吾堅持就肯定沒成績
沒期望沒要求什麼成就
享受過程，愉快學習
適當的時候考試 (當然要求合格）
肯比賽，肯表演
努力做好，仔女喜歡就好

。。。

兩兄妹而家大個
不用每次接管接送
回想當年
哥哥綵排，夜媽媽等到十點幾
哥哥打波，在夏天熱，冬天凍的球場比蚊咬
終於捱過左，感動
妹妹到而家都會想我一齊
尤其溜冰同劍擊同一日
重型裝備，多個人方便啲

。。。

兩兄妹，獨立個體
性格喜好大不同
都係嗰句，喜歡就好
父母辛苦啲
接管接送，賺錢交學費
督促加鼓勵加支持
最緊要仔女揾到自己興趣
期待有一日
兩兄妹能夠在不同範疇發光發亮

。。。

送上兩兄妹
小朋友時間上興趣班的回憶

大個仔大個女，冇咁鐘意影相
影左，未經批准，我都吾夠膽post 

記得細個時影多啲

。。。

謝謝觀賞

作者：天使媽媽