鍾嘉欣三代同堂Staycation囝囝主動做一事獲讚有家教 網民誤以為爸爸係老公：有夫妻相
2023-05-10
現年38歲的 鍾嘉欣 2015年嫁脊醫老公Jeremy Leung，返回加拿大溫哥華定居，婚後專心相夫教子，先後誕下兩女一子。最近鍾嘉欣湊三個子女返港，先出席楊茜堯（前名楊怡）囡囡的生日會，又湊子女到迪士尼樂園玩，再到胡杏兒家中作客，行程忙碌又充實。昨晚（9日）鍾嘉欣再貼新相，見她與父母及子女三代同堂去staycataion，而且更是Baby Shark主題房間，一對子女都顯得相當興奮。
-
- 鍾嘉欣湊住三個子女與父母去staycation。
-
- 玩得相當盡興。
-
- 囝囝即刻衝入房。主動除鞋，網民大讚有家教！
-
- 大女Kelly都一齊玩。
網民大讚鍾嘉欣媽媽好靚女，不過卻有人誤以為鍾父是鍾嘉欣老公。
鍾嘉欣在IG貼相留言：「We really had a wonderful stay！」照片中鍾嘉欣三代同堂笑得相當燦爛，鍾嘉欣有貼出小朋友入房的一刻，見囝囝6歲大女Kelly、4歲二仔Jared即刻衝入房間，囝囝更跑向梳化彈跳，非常興奮，有網民發現重點大讚鍾嘉欣有家教：「小朋友有家教，冇着埋鞋踩張梳化👍🏼」照片傳到內地小紅書，不少網民都覺得鍾嘉欣的子女跟她越來越像，又大讚鍾嘉欣的媽媽好靚女。不過竟然不唔少人誤以為鍾嘉欣父親是她老公，還大讚鍾嘉欣與爸爸有「夫妻相」：「那是他爸還是老公？」、「她和老公挺有夫妻相的。」
