2023-05-26
黎燕珊與前夫劉永離婚後，獨力照顧兩個子女長大成人，最近5.20黎燕珊過59歲生日，她日前在《法言人》活動上，已預告會與子女到日本旅行慶祝，當時她開心說：「阿女話會喺我生日當日，安排我對住個富士山食早餐。」最近黎燕珊在IG大晒靚相，見到三母子與囡囡男友一行四人玩得好開心，今年已經29歲的囡囡劉詠詩（Wynce）與媽媽一樣咁省鏡！
點擊睇黎燕珊家庭照:
黎燕珊近日在IG連出兩則帖文，貼出遊東京的靚相，她留言說：「今年生日願望成真💖我的乖寶貝安排一個驚喜的生日，好開心💖」相中見到他們在香港機場興奮打卡，在當地去浸溫泉、舉杯慶生，玩得相當盡興。不過最令人注意的是曾經經常孖住出活動的囡囡劉詠詩，素顏上陣依然省鏡，有幾分似媽媽參選亞姐時期的靚樣，與保養得宜的黎燕珊似姊妹。
黎燕珊是首屆亞洲小姐冠軍，當時受亞視力捧，80年代末期一度投身電影，不過在1992年與有家暴前科的影星劉永結婚後淡出演藝圈。不過，兩人在2000年離婚收場，當時黎燕珊更向禁制令，阻止劉永接觸一雙年幼的子女。黎燕珊之後為養家重投社會轉行做保險，直至2007年復出幕前，2017年加入TVB，近年演出《法言人》、《廉政狙擊》等劇集。黎燕珊近年接受《日日媽媽聲》訪問，表示曾經怨恨前夫，但現在已經釋懷，她多年來亦絕口不提離婚原因，亦重不向子女說父親不是。
星島日報授權轉載
