名人專訪丨陳國峰為養家收5位數打拳 效力TVB 13年月入幾千爭落一身債

2023-05-30


2010年參加《超級巨聲2》入行的陳國峰(Penny),前年7月疫情期間,跟TVB由經理人合約改為基本藝員約,因為工作量唔多,每月收入只得幾千蚊,一度要向圈外朋友借6位數(超過十萬)應急養家,辛苦捱咗年幾,趁下月約滿決意離巢。賣身13年,Penny換來一身債,但他無怨無悔:「我賺到嘅係經驗,有錢都買唔到嘅。」

陳國峰將於下月13日出戰亞洲心動娛樂(AMM)舉行的《宇宙榮耀搏擊拳賽》,40歲的Penny以參賽拳手身分,挑戰僅22歲,高頭大馬的職業籃球員兼籃球教練陳耀燐打明星賽,決一高下。

擂台上豁出去真打

8年前,Penny為操Fit身形而練拳,跟志同道合嘅羅孝勇、謝東閔一齊玩。他自爆今次打拳賽,除機緣巧合獲朋友推薦外,絕對係為咗份酬勞:「見有5位數(萬元)出賽費,咪當係接份有錢job,又可以做吓運動囉,家我豁咗出去,上到擂台就嚟真,連樣都唔理,就算硬食兩吓,都要竭盡所能反擊返對手4拳,就算輸都唔好輸得咁肉酸。」問到會否好似林作咁採取逃跑戰術?Penny卻力撐對方:「擂台上千變萬化係要打技術,逃跑都係策略,也需要氣力。」

周身瘀傷老婆擔心

40歲的Penny撐林作因為感受到練拳之痛:「大家都知我乜年紀,平日只係踼波及做Gym,冇做開劇烈運動,最初用死力對打分幾鐘,已經打到『爆呔』(冇晒氣),家協調到呼吸,可持續打3分鐘。」Penny育有2子,圈外老婆黃思雅(Wing)會否擔心他出賽?他輕鬆說:「佢表面話唔驚,我唔知佢內心點諗,不過,佢有時見我操完拳周身瘀傷,返到屋企成個人散晒,就會有啲擔心問『你得唔得㗎?』另外我唔建議年老媽媽捧場,始終身體髮膚受諸父母,但老人家堅持一定會到,暫時未知囝囝會唔會嚟,咁都好嘅,希望藉此以身作則,唔好做一樣後悔嘅事,有機會就要好好把握,做啲值得回憶嘅事。」

消委會食油測驗 50款樣本逾半含致癌物

 

3招簡易清潔毛公仔 不變形+不縮水

冇興趣參加《中年2》

提到第5波疫情嚴峻時,Penny兩公婆手停口停,經濟拮据,父親又因病去世,雪上加霜,好彩有「兄弟幫」老友 (林盛斌)等施援手,同時,他坦言有向圈外朋友借6位數應急,目前仍未有能力還債。當問到可有後悔賣身TVB 13年?他承認在TVB多年,有段時間失望及徬徨過:「但賺咗好多人生、工作、演戲經驗,有錢都買唔到。我相信人要向前行,唔可以停留太耐,去另一個地方,總會有出頭天,就算離巢都唔可惜。」Penny曾下定決心,40歲要做一件有意義嘅事:「加上拳賽後翌日同TVB完約,好似上天畀我一個新開始,將來仍然會keep住唱歌,接吓商演,邊做健身教練去尋找機會。」

另外,兩年前Penny曾報名參加《聲生不息》但被指年紀大,報名被拒,問他會否參加《中年好聲音2》圓歌星夢?他有所保留,尷尬婉拒說:「機會留返畀外面嘅年青人,等佢哋見識吓TVB係點,唔使預我喇…」

採訪:方騫平

獲星島日報授權轉載

其他文章:

名人專訪丨鍾嘉欣拒做虎媽唔介意仔女入行 結婚8年首公開夫妻長Keep熱戀秘訣

名人專訪|家燕媽媽 薛家燕與媳婦Zoe相處靠互相尊重:「我很開心,我多了個媳婦,又多了個女兒。」

熱門文章

人物專訪|安老院舍社工 阿肥 照顧中風癌母14年不離不棄:看着最愛的人受苦,自己卻無能為力
05-12
【外傭僱主百科】外傭辭職 4大要點你要知
12-04
名人親子| 75歲 葉麗儀 罕談孫兒患癌 感恩仍有機會陪伴:將來不到我管了
04-08
私家醫院生仔收費 |2023年全港11間私家醫院分娩費用 邊間醫院最受優惠?
02-03
BB嘔奶可大可小? 認識3大嬰幼兒外科性腸胃疾病
07-08

名人專訪| 歐倩怡 樂做全職營養師 分享體重管理要訣/小朋友飲食問題建議
2023-08-19
名人專訪|新手爸爸 蕭唯展 Oscar:當第一次做爸爸時,每一天都是唯一
2023-08-16
名人專訪| 甘比 每晚講睡前故事 冀仔女愛讀書 育兒心得:「做媽媽要變臉」
2023-07-26
名人專訪丨《造星V》評判兼兩子之父Edward Chan:「小朋友學音樂最緊要有興趣,才會投入。」
2023-07-05
李元元Lucy媽媽爆愛女絶密成長片段 籌備3年出新書封肚唔生有大計
2023-07-03
岑珈其 因父患癌而戒煙:「努力做好一個爸爸、做好一個先生的崗位!」
2023-06-17
查看更多   ▸