70歲張瑪莉榮升婆婆勁興奮！ 五日大孫仔混血B細細粒超得意

1975年港姐冠軍張瑪莉今年已經70歲，當年參選即入行的她在出道5年後，與何東家族成員、李小龍之兄長、天文台前助理台長李忠琛，兩人育有一對子女，不過在1995年離婚收場，李忠琛更在2008年逝世；而張瑪莉於2012年與現任丈夫余文平再婚至今。最近張瑪莉在社交網宣佈成為婆婆，今日在fb貼出抱着出世只得5日的外孫仔，笑容相當燦爛。

點擊睇張瑪莉榮升婆婆：

張瑪莉今日在fb貼相留言：「感謝天父恩典，孫兒Oliver的第五天。謝謝Uncle Auntie們一直為Oliver和他的媽咪平安健康祈禱，明天開心回家啦。」相中見張瑪莉抱住外孫笑容燦爛，只得5日大的Oliver體型依然細小，雖然是初次見到，但趴在外婆張瑪莉身上睡得相當安心。不少粉絲都留言恭喜張瑪莉榮升外婆，祝福Oliver快高長大，健康喜樂。

心情大好的張瑪莉昨晚於社交網進行直播，身為基督徒的她留言表示「滿心感恩和弟兄姊妹們一起分享父神在的恩賜」，大方分享榮升婆婆的感受。張瑪莉在直播中顯得非常興奮：「你見到Mary咁風騷都知咩事啦！我終於做咗婆婆喇！星期六晚抱孫，一路都未有機會睇個孫，呢因為呢度好鍾意兩公婆自己玩晒，哈哈。所以禮拜六到禮拜一都未有時間睇，今日禮拜二朝早我終於見到個孫喇！」張瑪莉大讚孫仔好可愛：「真係好得意，好得意啊！」

張瑪莉直播期間正與好友聚會，她還拍攝桌上美食笑說：「我真係食得落啊！你睇吓我食幾多嘢。」又興奮宣佈孫仔姓名：「呢度原來生咗出嚟先改名，最後我被告訴佢叫Oliver。」張瑪莉更表示正為外孫仔改中文名：「我諗住凱、愛，呢啲都幾啱。」她又特別感謝粉絲的祈禱。張瑪莉早年受訪曾透露大仔在外國完成機械人博士課程後，將所學運用在醫療上，繼續研究工作；而女兒則嫁給法國飛機工程師，在外地建立幸福家庭。

星島日報授權轉載