家燕姐獲讚學玩元宇宙跟得好貼 孫仔2歲生日識講國語同日文

薛家燕、葉文輝（啤梨）及范振鋒等早前到油塘為新城知訊台15周年拍攝紀念特刊，由於今日是家燕姐孫仔2歲生日正日，故知訊台執行總監程凱欣亦特意送上禮物，而程凱欣亦宣布於8月26日，邀請了張敬軒、林家謙、馮允謙、林奕匡及李幸倪舉辦《新城台慶Music Fantasia音樂會》。

家燕姐與啤梨一同受訪，已在新城24年的啤梨指家燕姐是該台的精神支柱，大家有任何事也會向家燕姐請教，她就有如明燈般指引大家，也是眾人的Role Model。至於加入電台22年的家燕姐就指以電台來計啤梨是她的前輩，又表示在電台中，大家就像家人般互相幫助：「開IG都係啤梨教我，雖然年紀有差距，但大家就似兄弟姊妹咁，好似《皆大歡喜》歌詞P，團結一心有新轉機。」啤梨笑言家燕姐一直以來學習上網、學玩元宇宙等從來沒停過，故給予一眾DJ很大壓力。

提到家燕姐孫仔Julian今日生日，家燕姐指開工前已參加了生日party，收工後亦會返家一起食晚飯慶祝，家燕姐指孫仔愈來愈可愛，雖然沒有要求送禮物，但看到她拿利是出來時即好大反應，又會在食飯時跟她「Cheers」及講國語、日文，令她笑言日後也可能要學多國語言，問到恨抱孫的家燕姐是否有叫兒子再努力造人？她說：「啱啱食晏嗰陣，cheers嗰陣我本來想講「第二個喇！」，不過望吓個仔望吓個新抱，都係唔好俾壓力佢哋，因為而家教小朋友需要好用心。」

^家燕姐指孫仔愈來愈可愛

^家燕姐孫仔Julian今日生日，家燕姐指開工前已參加了生日party

星島日報授權轉載