Lucy細妹浴照被公開網民反應兩極 李璨琛老婆做一手腳防批評被翻舊帳
2023-06-17
現年47歲的李璨琛（Sam）與太太梁志瑩（Sophia）育有5歲女兒李元元（Lucy），今年2月細女李斐斐（Sucy）出世，日前舉行百日宴，一家四口上台切蛋糕，場面好熱鬧。Sucy已經出世3個月，面對Lucy媽的日夜訓練，似乎盡得家姐Lucy的真傳，面對鏡頭唔怕醜，仲要表情多多，要出個表情包套餐毫無難度。昨日（10日）Lucy媽又惡搞細女，貼出Sucy首輯出浴照，小朋友肥嘟嘟十分可愛，不過亦有網民重提梁志瑩3年前晒Lucy裸照引批評一事。
照片中的Sucy由傭人姐姐抱住沖涼，見到她好好肉地，手、腳粗如米芝蓮人，對媽媽影浴照一臉呆萌。Lucy媽留言：「肉感．肉緊 #重要部位已經遮住咗 #嗰兩節肉是從大髀走出來的 #然後妹妹個頭的確很像一粒牛丸」，Sucy的全身照片以大心心圖案將重要部位遮住，但網民留意到Sucy的大髀位置遮不住，再度引來部份網民批評。其實3年前Lucy就曾被媽媽將沖涼前衝出客廳的裸照上載到社交網，雖然有用Emoji遮住身體，卻已遭網民質疑其做法，這次再晒細女浴照，即被部份網民翻舊帳。
星島日報授權轉載