生仔要考牌 ｜準媽媽想產後餵奶粉 嫂子卻不斷洗腦母乳好處兼做一行為令事主感無奈
2023-06-20
不少媽媽選擇餵哺母乳給孩子進食，但餵母乳或配方奶粉，始終是每位爸爸媽媽的選擇；有準媽媽在社交平台投稿指，其嫂子是「超級人奶fans」，不斷洗腦母乳的好處，甚至事主堅決表示要餵奶粉後，對方竟然泵自己的母乳雪藏起來並稱幫忙「儲奶」，令事主感到無言。
嫂子不斷洗腦母乳好處 兼做一行為 令準媽媽事主感無奈
-
- 嫂子不斷洗腦母乳好處 兼做一行為 令準媽媽事主感無奈
-
- 睇咗早排個人奶洗傷口文章，令我想上嚟呻下
-
- 我係一個準媽媽，由於工作關係，好多時都唔準時返工同放工，所以我同老公已經傾好咗日後照顧小朋友嘅安排，包括我哋都覺得以我哋嘅情況係餵奶粉會簡單啲
-
- 而我呀嫂係一名超級人奶fans，真係覺得餵人奶得天下嗰種。由我宣布我有咗，呀嫂佢已經不停洗我腦
-
- 當然，我有同佢解釋過：「我明白人奶嘅好處，但基於我覺得我唔可以定時泵奶嘅關係，所以我決定餵奶粉算數」
-
- 又當然啦，絕對係唔能夠咁樣就打發到佢 呀嫂為咗証明俾我睇泵奶唔係咁煩，佢開始不定時咁通知我佢幾時泵奶。
-
- 有時係一個訊息，有時連埋一張相，再同我講類似「其實幾時都可以泵㗎」「加油」之類嘅訊息，亦會不定時俾好多人奶資訊我
-
- 有一次我做緊嘢，佢發訊息俾我，我根本無時間睇，所以我hea咗個訊息大約六七個鐘都無讀取。直到收工，我就清一清啲訊息，篤入去等佢「已讀」就算
-
- 喺我「已讀」咗個訊息短短幾分鐘之內，呀嫂佢打俾我，開始同我講番嗰堆訊息嘅內容。其實嗰下我啱啱放工，個人都未回氣，所以我有少少煩躁
-
- 然而我都聽呀嫂講晒先嘅，惟之後我就同佢講：「其實呀嫂！我多謝你嘅好意！但真係唔使再講，我決定咗係奶粉；或者其實都唔急！可以等BB出咗世再算，我而家好攰，人奶呢個問題對我呢一刻真係一啲都唔急」
-
- 呀嫂聽完灰咗，卒之收到線，天真嘅我以為終於完咗…… 過咗幾日，佢又嚟料啦。佢今次先發送一張相嚟，內容係有幾包奶，佢話：「呀妹！我諗過啦，我幫你開始儲奶，我泵定幫你雪住，放心交俾我」
-
- 痴線㗎 我對人奶唔反感，但我反感人奶膠
這位準媽媽在社交平台專頁「生仔要考牌系列」投稿指，早前看到其他網民「母乳洗傷口」的分享，於是有感而發分享自己的經歷。
事主指，由於工作關係而未必能準時返工及放工，因此早與老公商量，日後照顧小朋友時是餵哺奶粉。而她形容嫂子是一名「超級人奶fans」、「覺得餵人奶得天下嗰種」，自從宣布懷孕，對方已經不停洗腦母乳的好處。
事主曾向嫂子解釋，自己不選擇母乳的原因基於不能定時泵奶，但坦言「絕對唔能夠咁樣就打發到佢」，對方為了證明泵奶不麻煩，開始不定時通知事主何時泵奶，「有時係一個訊息，有時連埋一張相，再同我講類似『其實幾時都可以泵㗎』『加油』之類嘅訊息」，同時提供大量母乳的資訊。
由於工作關係，事主沒空閱讀訊息，直到收工才一次過點擊「已讀」，但當事主「已讀」的幾分鐘內，嫂子打電話給她，重覆訊息的內容。由於剛收工感到煩躁，於是事主向嫂子表示，「我多謝你嘅好意！但真係唔使再講，我決定咗係奶粉；或者其實都唔急！可以等BB出咗世再算，我而家好攰，人奶呢個問題對我呢一刻真係一啲都唔急」。
嫂子當刻灰心地收線，事主以為「終於完咗」，但數日後嫂子竟然再傳來一張照片，內容有幾包母乳，並附文字「我諗過啦，我幫你開始儲奶，我泵定幫你雪住，放心交俾我」，因而令事主感到無奈，「我對人奶唔反感，但我反感人奶膠」。
帖文引來不少網民回應，部分批評嫂子不尊重別人，亦有指母乳或奶粉都是個人選擇。
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
-
- 網民留言
文章獲「生仔要考牌系列」授權刊登
更多文章：
生仔要考牌｜兒子跌倒流血 嫂子即到公廁泵母乳供洗傷口 港媽：我真係接受唔到
