楊思琦罕晒3歲囝囝正面樣倒模媽咪笑容 網民估神秘爸爸係靚仔？

現年44歲的楊思琦入行初期與李泳豪撻着，但於2011年突然宣佈分手，有指她當時搭上內地跳水運動員吳帥，更未婚產女做單親媽媽，由鄰家少女變成負評如潮。不過在2019年，楊思琦突然宣佈與圈外人結婚，兼再誕下一子Kody。雖然囡囡經常在媽咪抖音出鏡，但囝囝卻鮮有出現，相當神秘，日前楊思琦難得分享囝囝的短片，不少網民都覺得Kody同媽咪好似樣，亦有網民估計Kody的神秘爸爸可能也是靚仔。

楊思琦日前在抖音貼出3歲囝囝Koby的短片，最初她以雙手遮住Koby臉部，然後雙手張開，囝囝樣貌亦在鏡頭前出現；見母子笑臉十足餅印倒模一樣，絕對是迷你男仔版楊思琦，不少內地網民都讚：「姐姐，這是你兒子嗎？好可愛呀！」、「你兒子帥」、「像你一樣可愛」、「帥哥一枚」，十足「誇誇群」一樣。不過留言區中有網民好奇爸爸身份到底是誰外，還有網民指不論早晚都見到楊思琦在直播，更有人直指「天天都想着賺錢」、「看得出來嫁得不好」。

結婚4年的楊思琦，老公一直相當神秘，不過今年1月她接受內地傳媒訪問罕有提到神秘老公。楊思琦認為2019年結婚誕子一切都是天意：「我係宅女，有一日朋友話食飯，推咗幾次，去完就認識，之後慢慢溝通。」還表示老公亦愛屋及烏，相當愛錫她的女兒。對於經常被網民指「拜金」，楊思琦坦言擇偶不會算經濟能力：「我都冇揀要經濟能力嗰啲，最緊要個人好，如果佢心地唔好、對你唔好，佢有冇錢都係一樣，就算我工作上有唔順暢、佢唔係圈內人，大家分擔到、溝通到。我覺得同佢真係好夾，就算我長期在內地工作，見唔到，佢都好體諒。」

獲頭條日報授權轉載