婆媳關係 | 好奶奶當新抱像女兒照顧20多年 1個月前離世 新抱不捨：要以佢為榜樣
2023-06-29
婆媳關係 自古以來都非常複雜，能遇上一位好奶奶，是每個新抱的心願。日前有新抱在討論區上發文，指自己的「絕世好奶奶」已離世一個月，回憶起過去相處20多年的點滴，令她十分不捨。新抱分享了奶奶在生時對她的好，又表示希望可以奶奶為榜樣，盡力照顧好家庭。
日前有一位新抱在親子討論區發文，指自己有個絕世好奶奶，她憶述當年20多歲就嫁人，不久後便懷孕生子，奶奶待佢就好像親生女兒一樣，給她無微不至的照顧：「20多年生活嘅日子，好彩有佢，有咩事會幫我撐我，又幫我湊大個仔，又怕餓親，成日準備餸菜湯水俾我哋，完全當我係女咁錫！」
直到奶奶生病住院時，新抱亦感恩圖報照顧奶奶：「喺最後嘅日子，（佢）話食我煮嘅飯餸，應該捱得過，又話掛住我，仲識氹我。」可惜奶奶最後不敵病魔離世，至今已滿一個月。在完成身後事後，新抱發現原來奶奶在數年前已經準備好所有葬儀開支和資料，並已作妥善的安排，令她非常感動：「準備好錢，準備好資料，按住佢指示搞，唔使左問右搵，真係煩少好多嘢！」
新抱形容自己過了20多年有人寵的生活，如今奶奶已離去，她亦會以奶奶為人生榜樣，並祝福她在另一個世界幸福快樂：「我都要以佢為榜樣，要真正學好做人阿媽了，希望第時自己老咗都似佢，唔會俾麻煩個仔。」
很多網民都留言安慰事主，又表示奶奶最大的心願是兒子一家可以過得快樂，要事主好好活在當下：
來源：親子王國討論區
更多文章：
