56歲黃澤鋒與同齡太太想再生B 聞今年有機會追仔：要搏命！

由陳欣茵、吳兆麟、研究「生命密碼」的靈魂談判師Depp主持的J2節目《數你條命》日前播出的一集以「數數子女命」為主題，除邀得洪永城太太、Sir Face媽媽梁諾妍、吳若希、黃澤鋒等做嘉賓，以「生命密碼」拆解子女運。現年56歲的黃澤鋒與同齡圈外太太陳麗池（Lilian），四年前以52歲高齡誕下女兒黃熙恩（小黃妃），黃澤鋒在《數你條命》中，竟直言與太太還想追第二胎。

黃澤鋒在訪問中直言：「我好貪心，我想知我有冇機會有第二個。我哋真係恨，因為我貪心。」黃澤鋒透露他與太太追第一胎追了追追九年：「我43歲結婚，太太同我同年，當時我同太太已經不設防，大家都湯望有小朋友。喺呢段時間，有時好開心，有時太太冇嚟（月經），係咪有咗呢？最後都係空歡喜一場。開頭心情大起大落，到後嚟都覺得『算吧啦』，直到第九年，我哋覺得唔得就算，喺嗰年就有咗。我哋有嘅時候都係唔相信，空歡喜咁多次，點會再信？」

黃澤鋒指曾找堪輿學家睇風水：「我想生第一個時都有諗人睇風水，擺咗四年就有，唔到你唔信，起碼個磁場係適合我哋『造人』，真係夢想成真。」Depp師傳拆解黃澤鋒的「生命密碼」，指他20歲、35歲、50歲前後一兩年有機會生女，黃澤鋒指囡囡好sweet：「真係前世情人，突然攬實我大髀，話『爹爹，我好愛你』，基本上佢要咩，你都會畀佢，好sweet，坦白講係我呢個年歲，比金錢更重要。」不過因為只得一個，黃澤鋒怕女兒會悶：「我同太太都想要第二個，將來我哋老去，佢喺世上都有另一個親人。」

Depp師傳計算黃澤鋒太太的「生命密碼」，會在55、56歲有機會追到個仔，Depp師傅直說：「呢一兩年你要搏命，呢兩年最大機會。」黃澤鋒即刻笑到見牙唔見眼說：「呢兩年要搏命！」至於「造人」計劃最佳時機，Depp師傅指是在農曆6至8月，黃澤鋒即在腦袋計算是大概在暑假時間：「要好努力，呢個係黃金時間！」黃澤鋒亦表示：「我聽到師傅咁講好忐忑，師傅話得啫，但係……我唔知，都搏埋佢啦，我同太太都會走到最後，希望得啦！」

獲頭條日報授權轉載