【Daidai & Pipi】銅鑼灣任飲任食燒肉放題

尚鮮燒肉呢度好先進，食客用平板電腦自行落單，方便又快捷，落左單唔洗5分鐘就送到食物，又唔驚落錯單，非常讚！

話明放題梗係任點任食啦！不論是燒肉、蔬菜、刺身、壽司和熟食都可以任點，食物種類多元化，啱哂唔同口味既朋友！

另外除了任點食物外還有「今期流行」，見到「二人前海鮮和牛盛合」都係$198一set，計落呢set最抵食，所以我地都加左～ 

入座即送上刺身船，好興奮呀！一共8款刺身很鮮甜～ 

最厲害送一板海膽！我自己一個食哂～超正（≧∇≦）一d都唔腥，好味丫～

另外有「燒肉頭盤」都係入坐即送，阿仔特別中意食恐龍蛋，即係花生/芝麻湯圓，咁都有得燒真係好特別～ 

「二人前海鮮和牛盛合」真係好豐富，有鮑魚、扇貝、珍寶蝦、蠔及和牛，全部都大大件又好新鮮，中意食和牛、海鮮另加一份都唔錯呀！ 

我幾中意呢度大部份坐位都是卡位，坐得幾舒服又唔逼，抽氣都OK唔會食到成身燒肉臭味。 

有一邊是飾櫃，好多動漫公仔架！我最中意Sailor Moon，男生喜歡的One Piece 都有～ 

皮皮食燒肉好開心，仲好落力幫手燒～ 

飲品也是任飲，自由任取～

甜品有各口味的大福，味道就一般。

臨尾仲送MOVENPICK 雪糕，正呀！

價錢成人＄298一位（星期六、日及假日）