2023-08-23
妹妹14歲生日快樂
23 July 2023
Artemis 14歲了
妹妹14歲生日快樂
祝妹妹生日快樂，身體健康
學業進步，快高長大
心想事成，幸福美滿
。。。
喜歡妹妹不拘小節
咩都冇所謂，吾計較
佢話生日食food court 都得
喜歡妹妹有主見，愛恨分明
鍾意就鍾意，吾鍾意就吾鍾意
吾喜歡就吾出聲，不賣笑
喜歡妹妹爽直
有嗰句講嗰句
不奉承，不作假
喜歡妹妹獨立
曾經擔心，佢朋友吾算多
返學會唔會寂寞吾開心
原來，佢享受自己一個
多過夾硬同人埋堆
喜歡妹妹守規矩
絕不容許做任何不恰當的事
紅燈吾可以過馬路
關愛座只給有需要的人
喜歡妹妹低調
不愛出風頭，不認叻
喜歡妹妹自得其樂
識得自己揾嘢玩
做手工玩到一日
喜歡妹妹熱愛創作
有心學好一樣嘢
就會好比心機自學，再加以改良
最喜歡妹妹有愛心，有耐性
有同情心，有同理心
特別照顧小朋友
希望妳一直健康快樂
輕鬆自在，悠閒開心
。。。
14歲生日慶祝活動
在台灣，已預祝生日
食過生日蛋糕
返香港，同好朋友食飯
對妹妹嚟講，快樂好簡單
去旅行玩得好開心
已經係好好的生日禮物
。。。
Artemis 14歲生日
正日慶祝活動
一早起身，去shopping
難得揾到合心水牛仔褲
買多兩條做生日禮物
妹妹仲幫我揀左粉紅色衫
好適合N辛撈應援
著去睇Barbie 又得，一物二用
。。。
午餐，簡單食肉丸
主要嚟食榴槤雪糕
妹妹一嘗心願，食到了
。。。
生日慶祝活動～Tufting
妹妹想試好耐
但有點貴
生日，豪氣啲
我同妹妹一齊去玩
一人整一張
。。。
睇，容易
做，好難
加上我哋去左間
非常之麻麻的工作坊
十幾個學生，得一個老師
地方迫，混亂，求其，不推介
好趕咁整左四個半鐘
冇睇錯，係四個半鐘
我哋最早走，其實可慢慢整
不過我已手軟腳攰
枝手槍好重，練舉重咁
臨尾我已經集中唔到精神
加上約左屋企人食飯，心急
隨便整咗先，返屋企再修剪
妹妹的成品好靚
係佢自己畫的企鵝公仔
老師讚佢打得好
至於我呢，不獻醜了
年紀大，真係易攰
好彩未有老花，仲睇到
。。。
正日生日飯
皇冠豐盛燒肉
今個暑假吾知會肥幾多磅
。。。
飯後，切餅時間
好似白色椰菜花的生日蛋糕
有大大大大大利是
表弟表妹愛心禮物包
表妹傾盡家財
用晒掉錢樂園的飛
換左個企鵝掛飾比表姐
儲左好耐嫁，我聽到都肉痛
但我又好鍾意表妹呢啲豪邁風格，型
。。。
另一個生日蛋糕
好似西蘭花的朱古力蛋糕
蛋糕不嫌多
甜甜蜜蜜就好啦
。。。
祝願人人身體健康，心想事成
開開心心快快樂樂
美國來的生日禮物，同生日波波好襯
。。。
謝謝觀賞
作者：天使媽媽