親子故事 ｜「我跟其他小朋友不同」｜社工爸媽自家教手記
2023-09-06
早上起床不久，天仔的樣子很明顯在思考。
今晚煮乜好放假親子去邊好？
我問：「你諗緊咩？」
天：「我諗緊自己同其他小朋友唔同。」
我：「你指邊方面？」
（我以為是Homeschool的背景）
天：「我比起其他小朋友更愛媽媽。」
我：「點解你會有咁嘅睇法？」
天：「唔知呀，覺得囉。」
（咁愛又真係主觀嘅）
我：「咁點解你會咁愛媽媽？」
天：「因為你好愛我，同埋教我教得好好。」
然後他就來擁抱我。
現在的他已160cm，只跟我相差10cm，我不需再彎腰抱他了。
我擁抱著他，在他耳邊輕輕說：「多謝你珍惜媽媽的愛，我都好珍惜你的愛。」
我們擁抱了一會
就開始了今天~新的一天……