張致恒結紮 ︱直播公開手術詳情 事前無問過老婆 稱之前意外懷孕:冇諗過自己咁強

2023-09-21


張致恒結紮 ︱早前38歲的張致恒(Steven)在IG表示有「重大嘅決定」宣布,原來他決定做結紮手術,表示希望「為頭家負上最大責任」。張致恒與老婆區燕雯(雯雯)多次鬧婚變,卻又繼續生B,被網民封為「離婚界KOL」,直至雯雯月初再誕第四胎後,張致恒宣布做結紮手術即被網民封為「結紮KOL」。

張致恒於數日前已經完成手術,昨晚(20日)在IG直播公開結紮手術詳情,更透露過程只需15分鐘;他又坦言,之前意外懷孕並生到第四個囝囝「唔係特登去追,真係唔小心,冇諗過自己能力咁強」。

點擊睇 張致恒結紮 內容:

張致恒透露在數日前已經進行結紮手術,又表示在誕下二仔天牧時,已經想過結紮:「但係我一直覺得做手術好似俾啲傷口自己,所以一直唔敢去做。」至於生到第四個囝囝時,終於決定結紮,張致恒解釋指:「第一,係老婆身體,因為佢生第四個好傷,同一個傷口,四年割四刀,所以好記得之前有人問點解唔叫老婆去做結紮,因為我覺得四個就夠,同埋真係唔係特登去追,真係唔小心,冇諗過自己能力咁強,哈哈。」

家計會要排半年:驚唔小心又有咗

張致恒認為結紮是男人責任:「作為四個小朋友嘅爸爸,我覺得唔好再俾呢件事持續落去,我覺得如果再想要小朋友嘅話,咪再搵多啲錢嘅時候去領養一個,我覺得好多小朋友好慘,天生出嚟做孤兒。」張致恒表示最初想在家計會做手術,不過因為要排期太長時間,張致恒還表示家計會要排至少半年:「我驚半年唔小心令到老婆又有咗。」

張致恒結紮 ︱強調無贊助要俾錢

張致恒指,自己上網再找資訊,再找日間醫療中心做手術,又透露並無贊助:「梗係要俾錢啦!呢啲邊有人會贊助。」又表示醫療中心與家計會的價錢相差不大。有網民留言鬧爆:「死都唔戴袋(安全套)。」不過張致恒也反駁說:「邊個話你知我冇戴袋?你瞓喺我床下底呀?」之後又說用安全套不等於完全安全。

身為四子之父的張致恒又表示有小朋友是緣份,能夠養育他們是福氣:「為咗自己幾個仔,為咗老婆又好,為咗大家食花生又好。以前啲人覺得結紮好唔知點咁,其實結紮係一件好簡單嘅事,真係係咁意抽兩條管出嚟切咗佢,而家好多都係微創手術,15分鐘,做完休息一個鐘,等麻醉藥過咗,順利去第一次小便,咁就可以走喇。」

張致恒自揭手術後床事進展

不過原來結紮也有麻煩事,張致恒說:「最煩係要剃晒啲毛,因為我成身都係毛。」他又表示麻醉藥過後:「有小小㾓㾓哋,因為佢條根係扯住小腹,硬係有啲㾓㾓痛,但唔係好多,好少嘅啫。」現在傷口已經不會再痛。張致恒還鼓勵年輕人做結紮手術:「一來可能你唔想要小朋友,二來你生夠,又想維持(性)生活,唔想咁麻煩,結紮其實係好嘅。」

被問到為何公開做結紮手術,張致恒笑說:「我見大家食開花生,咪講吓囉。」之後才認真說:「其實我想話俾大家聽,結紮唔係一件咁恐怖,亦都唔係一件咁老土嘅事。」至於結紮完有否行房,他即說:「我老婆啱啱先生完仔冇幾耐咋喎!」不過張致恒亦透露剛結紮完,只是建議不要太激烈或太大動作,不過同時透露要「排咗啲貨先」:「因為頭20次都會殘留咗啲精子喺度,所以頭三個月都要做避孕措施。」張致恒還表示做結紮前無徵求過老婆雯雯意願。

張致恒結紮 ︱直言經濟仍有問題

張致恒結紮 後,由「離婚KOL」變成「結紮KOL」,張致恒笑說:「冇乜所謂,你鍾意點咪點囉,都係一個名啫,最緊要大家開心,有個娛樂性畀到大家,咁咪冇所謂囉。」張致恒在直播中亦多謝粉絲繼續支持他:「冇你哋嘅支持,我諗我唔夠膽再面對世人,真係嘅。」有網民問到張致恒現在經濟有無問題,他笑說:「點會冇問題,有邊個會嫌錢腥,係咪先?」

張致恒預告做YouTuber

近日成功轉變形象變好爸爸的張致恒,被網民問到如何令小朋友多飲水,他亦大方分享:「水壺可以擺啲水果落去浸住佢,有少少水果味,甜甜哋,啲小朋友基本上都會飲。」至於如何同時間湊四個小朋友:「努力囉!加油囉!」張致恒更展示銀白髮根:「你睇我湊到啲白髮出晒嚟,啲鬚都白晒。」張致恒在直播中表示想再拍戲外,亦透露之後會拍YouTube,分享小朋友生活。雖然在直播中,除細仔外,三個囝囝都有分別出鏡,而老婆雯雯並無出鏡,但亦一直有在後面「出聲」照顧小朋友。

來源: 張致恒IG

更多文章:

張致恒首度開腔形容婚姻一生一世 剖白曾被市民當街鬧「渣男」

網民勸結紮張致恒以一原因拒絕 自揭與老婆雯雯早已分房瞓

雯雯挺巨肚拍照疑暗示離家出走 斥張致恒婚後不停追求異性後直言要冷靜

熱門文章

過斑馬線被撞飛小姊妹治療有進展 10歲姐姐對光有反應 惜仍然重度昏迷
02-26
珍惜生命|科大22歲男生墮樓 送院不治
02-25
吳浩康呼籲張致恒做地盤 勸張太唔好公開唱老公 雯雯嬲爆反擊: 唔需要人認同
02-24
珍惜生命 │沙田一中學男職員高處墮下 重創昏迷送院亡
02-24
為母則強︳聽見B女肚餓喊聲 媽媽昏迷30日無意識掀衫餵奶
02-24

舊恤衫 唔好丟 6個簡單創意 舊衣變成實用生活小物|生活百科
2024-02-26
2兒子失業 大馬70歲伯伯做 外賣送餐員 日做12小時賺$164養家:很累但還是要做
2024-02-26
兒子補習玩電話被沒收一星期 家長上門領取被拒怒斥要報警 老師揚言「不教了」
2024-02-26
過斑馬線被撞飛小姊妹治療有進展 10歲姐姐對光有反應 惜仍然重度昏迷
2024-02-26
李璨琛細女Sucy 1歲生日 Lucy為妹紥孖辮 媽咪笑髮型似天線
2024-02-25
巴西男子毋懼洪水捨身救被車上三母女 數秒後急流沖走私家車
2024-02-25
查看更多   ▸