2023-09-22
小朋友由幼稚園升上小一，面對新的學習環境，總是需要時間適應，其中一項新挑戰相信是用手冊記低功課內容。補習名師兼網紅暖爸張欣欣日前在社交平台分享，其兒子升讀小一幾星期，但是家課冊卻「成日無家課」，即使有寫字「都係若隱若現，似有還無嗰隻」，因此既疑惑又擔心兒子欠交功課，怎料最後卻出現令他有預期之外的結果。
張欣欣現時育有一對8歲女兒及6歲兒子，最近他於社交平台分享兒子就升讀小一後幾星期的情況，其中兒子寫「無字天書」家課冊令他感到「懷疑人生」。即睇帖文內容：
「首先，家課冊成日無家課；就算有寫字，都係若隱若現，似有還無嗰隻，好型。」由於感到疑惑，因此張欣欣問兒子：「點會幾日都無功課㗎？呀仔……」怎料對方竟然回應：「真係無功課，你唔係返學嗰個，你唔明㗎，我先係呀嘛！」
面對兒子回應，於是擔心他於翌日「會俾人寫欠交」，豈料兒子又答道：「我真係交咗㗎啦，唔係欠㗎。寫欠交唔等於欠……」於是張欣欣感嘆「所謂：色即是空，空即是色；交，即係未交；唔交，即係交。無相，無我。好玄……」
有一次，難得兒子在家課冊寫下內容，今次需要繪畫及寫字描述，然而他卻表示「淨係畫畫得㗎啦，唔使寫字㗎」，張欣欣要求「寫少少」但遭到拒絕，於是有心理準備「預佢欠交，等佢衰一次就得」。
然而，兩日後功課派回來，竟然獲得老師給予「good」，張欣欣一頭霧水之際，發現功課最終有寫字，此時兒子又表示「我講咗交功課前寫就得㗎啦，你有無心聽我講嘢？」頓時令張欣欣苦笑「法非言傳，僅靠心意會。拈花微笑，我未夠慧根領悟阿仔禪機……」
某一日，兒子將一份獲得A級的勞作放在枱並「咪咪笑」，今次張欣欣表示似乎明白是甚麼事，「打開本無字天書家課冊，佢望吓，竟然拎到份功課出嚟做」，接着兒子表示「爹哋，上次我哋父子合作做勞作好好，以後我哋咩都一齊……」跟着一邊寫字一邊講道「一齊做功課、一齊打波、一齊旅行、一齊痾屎……」
張欣欣聽着「不自覺眼濕濕」感動起來，最後在帖文中表示「兒啊，無論你之後點，家課冊無字又好，講嘢幾玄都好，欠缺甚麼都好；你都是爸爸最愛的，永遠都對你不離不棄」。
文章獲張欣欣授權轉載
更多文章：
