2023-09-24
日前（24日）尖沙咀柯士甸道西1號發生奪命意外，2名分別63歲劉浩祥與61歲郭伙記，疑吸入沼氣被發現困於地底昏迷，經送院後同告不治。劉浩祥的家人在醫院認屍後，隨即趕回元朗的寓所進行拜祭，其間劉的妻女悲從中來，掩面痛哭，又喊道：「返嚟啦！你死得好慘呀！一句說話都無講低，死咗都無人知呀！」。
死者劉浩祥的遺孀及兒女到醫院認屍後，立即趕返位於元朗朗屏邨的寓所進行拜祭。他們一行7人在寓所外燒衣及點香拜祭，其間眾人神情哀傷，不時傳出有哭泣聲，遺孀手持香燭向天呼叫：「爸爸返嚟啦！你死得好慘呀，真係無陰公呀！一句說話都無講低，死咗都無人知呀」，現場一片愁雲慘霧，令人傷感。
劉浩祥細女向記者表示，爸爸是家中經濟支柱，一直都擔起照顧一家人的重任，平日放假都會與家人去酒樓飲茶消遣，而她原定今年大學畢業，12月舉行畢業典禮，爸爸當時更明言會準時出席畢業禮，可惜命運弄人，如今已陰陽相隔，「諗住我畢業啦終於出身，一家人之後去泰國或者日本旅行下，輕鬆下，點知……」，其後劉浩祥細女更哭成淚人，情緒幾近崩潰。
劉浩祥細女情緒稍為平定後表示，爸爸平日都會OT，但都會主動告知，但昨夜起失去聯絡，令他們擔心不已，「琴日爸爸無返嚟，我哋搵極都搵唔到佢，直到今朝有人上門拍門，我哋先知佢出咗事」。她指目前全家人最希望知道爸爸在管道發生何事，為何爸爸與另一工人會通宵被困管道內，「好想要個解釋，要知道邊個係負責人，點解會發生咁嘅事，邊個人嘅責任？點解兩個工人喺密閉空間入面做嘢，管工會離開咗。呢個係工業意外，但都有人為責任，講到底我都係想要一個解釋。」
獲星島頭條授權轉載
更多文章：
坪輋2狗被暴雨沖走失蹤半個月 其中「烏卒卒」奇蹟自行回家 狗主盼尋回剩下1狗一家團聚
