英國升學 ｜移英港媽分享揀學校3大心得｜一一愛生活

英國升學 ｜一一喺英國已經讀過2間學校，作為轉校當食生菜（香港K1開始每年轉一間）的家庭，講唔上有啲咩超前部署的心得，不過可以分享下我的經驗。

如果小朋友仲細，過來之後仍然有選擇，要喺仲未讀Reception的年紀（4歲以下），揀學校自然睇Ofsted report ，睇grading，睇下中學會去邊間學校。如果有幾間睇落banding差不多的學校，又應該點揀？

1.揀近學校的樓盤

選擇學校第一，一定係屋企步行10分鐘內優先（除非睇到學校report好差又無得揀）遇上大雪同落大雨，步行10分鐘隨時變咗20分鐘，睇到好多朋友學校同屋企隔好遠，返學無車接送真係好頭痕。

可能你會話點會無車？

一係媽媽唔搵工，

一係爸爸唔揸車返工，

一係爸爸份工唔可以撞返放學時間，

一係屋企要有2架車，

一係有長老幫手等等….

距離唔近就要用好多其他方法去解決，同埋當大家都係waiting緊同一間學校，你住得越近就越有優勢。