【80後媽咪】朗朗成功了!叩門經驗的分享

2016-07-04


多謝大家嘅支持和鼓勵….

感恩….喺剛剛嘅星期六朗朗已經被取錄了

雖然以後要跨區上學…..往後會有些少辛苦….

但我確實已經好感恩了!!!!

 

朗朗派位未如理想然後叩門亦搞到一波三折

其實我們家有好多地方都真的做得唔係咁好

都好想分享番今次失敗嘅經過

希望之後要大抽奬嘅朋友唔好重蹈我哋覆轍

 

話說,喺填表時

鴻仔有以下嘅說法

 

第一志願就填心目中的劉華

第二志願, 就填二線多學位嘅學校

第三志願本身我哋嗰區間間學校嘅學位都唔多

其實唔中第一二志願基本上就中硬寶校的了

所以第三志願鴻仔就話…..你填間好小小嘅寶校啦!!!

第四六填唔填結果都一樣架咋…..

 

就係咁我地乙三填了寶校

乙四五同打後都冇填過任何學校了

最後我地成功中了乙三!!!!

朗朗亦成功入了寶校!!!!

 

呢個填法當時我都唔覺有乜嘢問題…..

因為事實上

我哋嗰區來計中唔到乙一就一定是中寶校的了!!!

但是…..

叩門就知衰!!!!

 

當日一知道中寶

我哋兩公婆就拿拿聲去區內所有學校交叩門申請

仲記得嗰日係星期六來的

我哋一日之內叩了四間學校

到了星期一再叩了三間

然後星期二就覺得奇怪了!!!

叩了七間….. 卻一直沒有回音….

竟然沒有一間學校約我們面試 

最唔開心就係明明有朋友同我講星期六去了A校交表

當時 A校已經即時俾咗面試時間我朋友

但我到A校叩門時學校竟然不肯接見朗朗

後來才知道這就是111的重要性

那間學校原來只見111的學生呢…..

 

又因為我們填表時只填了四間學校

於是好多學校就會覺得

你由始至終都沒有填過我你大概從來也沒有考慮過我們學校吧

或者因為這個源故好多學校都沒有接見我們

最後我哋在自己區內雖然叩了8

但其中有兩間又撞了面試時間

最終, 8間學校裡面, 能夠有機會 interview嘅就只有3

 

我們去到最後一日交叩門表格時

發覺唔能夠再坐以待斃了

因為本區學校似乎機會不大

唯有向其他區嘅小學埋手

最後一日我們又一口氣交了幾份叩門申請……

總之就係漁翁撒網式的叩門

 

結論就係…..

其實出名小小嘅小學

往往都300-500人爭8-10個學位

另外好多學校都唔係人人都會接見多數都揀人嚟 in

即使我們最後叩到的那間學校

也不是 in 晒所有交了表的人

我自己就覺得其實份 portfolio 都緊要

建議家長們俾心機小小做份 portfolio

 

講到 interview

我覺得間間學校要嘅嘢都唔一樣

我們 in咗8

其中好多間都要求小朋友寫中文名睇下佢哋手字

亦有好多間考講故事

所以萬一要叩門的話最好搵啲四格故事

訓練下小朋友嘅說話技巧了!!!

另外有間學校要做卷有間就玩老師話

有啲仲會見埋家長添

其實好多主要都係同小朋友傾下偈

了解下小朋友嘅日常生活

可能考下佢對答又可能想知小朋友嘅家庭背景吧!!!!

 

我哋叩門個過程都幾辛苦下架

我們由六月四日派位到二十五號才有第一個offer!

眼見朋友們一個又一個脫寶

自己就仲未有學校收,當中嘅辛酸真係不為人知…..

當時真的好俾怕人問起朗朗叩到門未….

我知道好多朋友都好關心我哋….

但一問起我個心又會好難過了……

 

去到20/6,朗朗同學嘅媽媽叫我

你依家咁多學校都冇得 in,又未有offer

不如你打電話去呢間學校啦問下都好求下校長俾你 in ….

當時我心裡面覺得

已經過咗叩門階段點會仲有學校肯收form…..

不過我真的走投無路…..

嗰位媽媽都講得啱嘅…. 喺呢個時候乜都要試下架啦….

唔通真的睇住小朋友讀寶校咩?

咁我最後都硬住頭皮打電話求下校長…..

點知又出乎意料之外

呢間學校真的被我誠意感動肯收我表後來仲俾我面試添!!!

我想講就係作為家長

有時真的唔能夠咁易放棄

原來你有誠意的話有啲學校嘅校長真係會俾機會你!!!!

後來呢間學校都收咗朗朗

所以話呢個世界嘅嘢真係冇人知

爸爸媽媽嘅心態真的要keep住正面!!!

要記住放棄你就輸啦!!!

 

仲有仲有

如果你派采嘅嗰間小學

你確定自己係唔會俾小朋友入去讀

咁請你真的要勤力一點

替佢叩多幾間學校

之前講過佢哋啲學校真係唔係人人都見

我們家一共叩了15

其實當中肯見我們的得一半咋

咁你 in 又唔係一定收你架嘛

所以108我覺得真的唔誇張

 

最後如果你仲係叩唔到任何學校

建議真係寫求位信

其實依家嘅小朋友我覺得質素都唔差得去邊

大家識嘅嘢, 都係咁上下

我諗如果小朋友質數上落唔大

而其中一個媽媽又不斷寫信, 咁學校收佢嘅機會相對一定大啲啦

我見身邊嘅朋友寫完信都真係會有學校call

而我們亦都係寫完信兩日收call

基本上我覺得學校都好鍾意有誠意嘅家長

我聽幾位前輩講好多朋友 keep 住寫信最後九月開咗學就收call

 

其實我們家朗朗只不過係個普通過唔普通嘅小朋友

佢冇學琴又冇證書興趣班亦欠奉

我有一下都責備過自己

點解當初唔俾佢學多啲嘢,讓佢十項全能….

點解當初堅持要俾佢一個愉快童年攪到佢冇晒競爭力…..

當時真係好難過有著講不出的沮喪

感恩, 喺我最難過嘅時候

學校就call我們了!!!!

後來才知道…….

原來一個沒有任何技能又怕怕醜醜的朗朗都會有人欣賞的

希望未叩到門的朋友千萬不要放棄

要記住每一個小朋友都是值得欣賞的

要加油啊 !!!!!

 

作者:80後媽咪遇上10後Baby

相關文章:【80後媽咪】獲派「寶校」的媽咪

                  【80後媽咪】溝通比一切重要 

 

熱門文章

虐兒|11月大女兒疑遭保母虐待致死 父哀號:來生爸爸再還妳債
10-17
姑代母職|捨不得侄子們去孤兒院 姑姐靠微薄薪水養大4個孩子 「只想他們健康成長, 好好做人。」
10-12
網絡熱話|請大學學歷姐姐包住不包食惹爭議 港媽:原意想幫大學生租屋
10-17
感人故事|收養被遺棄「惡魔附身」的女嬰 醫生養母從垃圾堆救出孩子 賜予第二生命
10-13
網絡熱話|小五兒子與女同學拍拖被當街目擊 港媽苦惱應否拆散
10-17

天氣預報|冷鋒周四挾風雨抵港急跌5度 周五六徘徊18度
2021-10-18
超級巨B|美國BB一出世重14.1磅 醫生驚呼:從業27年沒見過這麼大的
2021-10-18
回港隔離|下輪檢疫酒店料增中低價房 房價約為六百至八百元一晚
2021-10-18
爆笑|林芊妤囝囝3歲生日 「伯伯」為一支蠟燭又喊又笑
2021-10-17
電子教學|調查:兩成半受訪基層兒童家無電腦 近7成人網課跟不上進度
2021-10-17
網絡熱話|小五兒子與女同學拍拖被當街目擊 港媽苦惱應否拆散
2021-10-17
查看更多   ▸