陳茵媺過節最喜歡收仔女手作禮物 夫妻共同興趣愛逛超市 揭老公是住家男愛下廚
2023-11-17
現年52歲的陳豪正在深圳忙於拍攝新劇《企業強人》。他42歲的太太 陳茵媺 (Aimee)出席活動時指,今年聖誕會帶同仔女去找爸爸過聖誕及除夕:「呢啲日子一定一齊過,除咗做嘢,不過都會用電話聯絡住,我都希望我啲小朋友可以同我一樣有一個好好嘅記憶。」
Aimee陳茵媺指除了負責所有過節的事情外,亦會教仔女揀禮物的重要性,因為一份有心思的禮物,會令收到的人好開心,而她自己最喜歡就是仔女送給自己的卡及手作禮物:「寫咗多謝說話同畫公仔,阿囡都好鍾意創作啲新玩具,亦會整啲小禮物。」陳茵媺指老公亦不會計較價錢,只要有心思的他也會喜歡,不過陳茵媺就表示仍未買聖誕禮物,仍在想要買什麼。
陳茵媺陳豪愛逛超市
提到網民在深圳的超級市場野生捕獲陳豪,Aimee笑指自己與陳豪也很喜歡逛超市,因為兩人都喜歡在家煮飯:「尤其係我,好注重小朋友食材,所以我哋都好鍾意自己去揀,大廚都好鍾意自己去買,而家啲男仔我覺得要行住家男人路線,而家興。」另外,問到陳茵媺是否會出席TVB頒獎禮?她反問是否要有提名才出席:「我又冇諗,如果有得提名當然係好事,但唔會太畀壓力自己,我都好開心拍咗一套劇,我已經覺得得到奬,不過有提名有獎就梗係開心啦!」
《星島頭條》授權轉載
其他文章﹕