孫慧雪 6歲大仔感染一病入院 持續發燒逾40度留醫4日未可出院 附腺病毒病徵

現年41歲的 孫慧雪 2016年嫁給富二代羅天彥（Edwin Lo）後，翌年誕下大仔「水哥」羅駿滐（Riley），今年7月細仔「肉肉哥」Rian出世，組四口之家非常幸福。日前孫慧雪在社交平台的限時動態透露，6歲的大仔Riley入院消息，還表示兒子好乖：「Riley真係好乖，自己入咗醫院，唔舒服都仲細佬，第一次入院，媽媽真係好心痛」。

孫慧雪 6歲大仔感染一病入院 持續發燒逾40度留醫4日未可出院

即睇 孫慧雪 大仔病情：

到今日（26日）孫慧雪再發帖文，交代兒子的情況，她表示囝囝感染腺病毒，情況暫時穩定，但未可以出院，照片中亦見Riley常神不錯，對住鏡頭笑容滿臉外，又行得走得，只是體溫仍保持攝氏40.4的發燒狀態。孫慧雪留言：「大家放心，Riley嘅情況暫時都ok，不過仲未可以出院，佢感染嘅係腺病毒，最初情況係，喺上星期六朝早，本來參加緊童軍活動，佢突然有少少面青口唇白，然後同我講佢肚痛，跟住我就帶佢返屋企瞓咗一陣，起身佢依然覺得唔舒服，無胃口仲想嘔，跟住就就帶佢去睇醫生，因為有少少感冒症狀+肚痛，2種症狀以上，所以醫生即刻判斷出佢係病毒感染，不過當時未知係邊一種病毒，就叮囑我哋要留意佢返到屋企會唔會發燒，亦開咗好多藥俾我哋，叫我哋留意小朋友如果出現邊種症狀，就用邊種藥！」

孫慧雪 圈中好友慰問

孫慧雪表示因為兒子發燒，體溫又時高時低，到第三日更突然發冷不退燒，最後決定送囝囝去醫院：「當晚佢就開始發燒啦，我哋一路好準時咁俾退燒藥佢食，高燒、低燒藥都有輪流俾，但係佢嘅溫度仍然時高時低，如果係平時嘅感冒發燒，Riley一日就會好返，平時嘅佢亦都唔容易病，但今次我哋都覺得好奇怪，連續幾日都繼續發燒。」

孫慧雪續指：「到咗第三日，佢突然發冷，高燒唔退，我哋就即刻送咗佢去醫院，醫生一見到佢，就判斷出佢係腺病毒，要即刻安排入院，化驗嘅結果亦顯示佢真係中咗腺病毒，呢隻病毒傳染性極高，酒精殺唔死，如果中咗，病期亦都好長，亦會反覆感染！入院嗰晚佢燒到40.4度，真係好彩我哋有送佢入醫院，醫生安排佢吊鹽水，打點滴，入面有抗生素，仲定時俾退燒藥佢，今日已經係住院嘅第四日啦！精神好咗好多，但係都會突然又燒返！所以仲未可以出院！如果小朋友發燒幾日都未好，家長們真係要留神呀！」趙希洛與同樣有小朋友的洪永城、林子善、楊洛婷都向孫慧雪送上慰問，祝Riley早日康復。

腺病毒病徵

根據衞生防護中心資料指出「腺病毒感染」，腺病毒是一組感染人類黏膜的病毒。因應不同的血清類型，病毒可引致呼吸系統症狀，亦可導致腹瀉、眼睛發炎及紅疹。腺病毒感染全年皆會發生。

不同血清類型的腺病毒可引致不同的病徵，例如咳嗽、流鼻水、喉嚨痛及發燒等呼吸道感染病徵；腹痛及腹瀉等腸道感染病徵；及眼睛發炎（俗稱紅眼症 ）。兒童、長者及免疫力受損的人士較容易受到感染。

腺病毒主要透過飛沫（如咳嗽或打噴嚏）、直接接觸患者的口鼻分泌物（例如與患者握手，或接觸受污染的物件表面），或進食受污染的食物或食水傳播；及可於學校及醫院等院舍內引致急性呼吸道及眼睛感染的爆發。

即睇孫慧雪親子樂：

內容獲星島頭條授權轉載

其他文章：

亞洲超星團｜洪欣大仔張鎬濂人氣投票獲第9名 與生父莫少聰私下關係曝光

郭晶晶一家五口豪宅溫馨打邊爐 桌上一細節再揭生活極貼地